BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

وتىرار تۋرالى انيماسيالىق فيلم «بالاپان» ارناسىنان كورسەتىلدى

استانا، baq.kz. ەلباسى ماقالاسىندا كوتەرىلگەن تاريحىمىزدىڭ جاڭعىرىققا تولى جەتى قىرىنان سىر شەرتەتىن «وتىرار داستانى»، «كونە قۇمىرانىڭ سىرى» انيماسيالىق فيلمدەرى وتكەن جىلى عانا جارىققا شىققان بولاتىن. رەسپۋبليكالىق «بالاپان» ارناسى دا اتالعان باستاماعا قولداۋ ٴبىلدىرىپ، كوگىلدىر ارنادان كەڭىنەن ناسيحاتتاپ، سان عاسىرلىق تاريحىن قويناۋىنا بۇككەن سىرعا تولى ولكە مەن ماڭىزى جونىندە بالا تىلىمەن، وسكەلەڭ ۇرپاق ساناسىنا سىڭىرۋگە اتسالىستى. بۇل تۋرالى وتىرار اۋدانى اكىمىنىڭ ٴباسپاسوز قىزمەتى حابارلايدى.

ەلباسى نۇرسۇلتان ٴابىش ۇلى نازاربايەۆتىڭ تاريحي سانانى جاڭعىرتۋعا باعىتتالعان « ۇلى دالانىڭ جەتى قىرى» ماقالاسىندا قازاقستاندىقتار ٴوز تاريحىن امبەباپ جانە كوپ ولشەمدىلىگىمەن جۇزەگە اسىرۋى جانە قابىلداۋى قاجەتتىگىن باسا ايتتى. سونداي-اق، ٴوز تاريحىنا دەگەن ماقتانىش سەزىمىن ۇيالاتىپ، وتانشىلدىق تəربيە بەرۋ مەكتەپ قابىرعاسىنان باستالۋعا ٴتيىس ەكەندىگى باسا ايتىلۋمەن قاتار، ۇلت قاھارماندارىن ۇلگى تۇتۋ ٴۇردىسىن قالىپتاستىرۋعا جول اشاتىن ساپالى بالالار فيلمدەرى مەن مۋلتيپليكاسيالىق سەريالدارىنا ٴمان بەرۋ ماسەلەسى دە كەڭىنەن قوزعالعانى بەلگىلى.

ەلباسى ماقالاسىندا كوتەرىلگەن تاريحىمىزدىڭ جاڭعىرىققا تولى جەتى قىرىنان سىر شەرتەتىن «وتىرار داستانى»، «كونە قۇمىرانىڭ سىرى» انيماسيالىق فيلمدەرى وتكەن جىلى عانا جارىققا شىققان بولاتىن.

رەسپۋبليكالىق «بالاپان» ارناسى دا اتالعان باستاماعا قولداۋ ٴبىلدىرىپ، كوگىلدىر ارنادان كەڭىنەن ناسيحاتتاپ، سان عاسىرلىق تاريحىن قويناۋىنا بۇككەن سىرعا تولى ولكە مەن ماڭىزى جونىندە بالا تىلىمەن، وسكەلەڭ ۇرپاق ساناسىنا سىڭىرۋگە اتسالىستى.

تاريح جىلناماسىن سانامالاساق، كەلەسى جىلى التى ايعا سوزىلعان وتىرار شايقاسىنا 800 جىل تولادى. «ەلۋ جىلدا – ەل جاڭا» دەسەك، سان عاسىر كوشىن كورگەن سايىن دالا كونەنىڭ ەسكىرمەس ٴىزى مەن تاريح تاڭباسىن بوياماسىز حالدە پاش ەتىپ تۇرعانداي.

ەكى انيماسيالىق فيلمدە دە ەل مەن جەردى ساقتاپ، قورعاپ قالۋ جولىنداعى جانقيارلىق ەرلىك، جاۋىزدىقپەن كۇرەس كەڭىنەن سۋرەتتەلەدى. بۇگىنگى كۇندە قانشاما تۋريستەردىڭ ارنايى بارىپ، كوزبەن كورۋگە ىنتىق مەكەنىنىڭ ٴبىرى - تاريحي قاقپا مەن كىتاپحانا ورنى، بەتىن ارشىسا ٴتۇرلى-تۇرلى قىش سىنىقتارى شىعا كەلەتىن، تاريحي جادىرگە باي ەجەلگى وتىرار جەرى، وتىزدان اسا فارابيلەر مەن قانشاما تۇلعالاردىڭ تابانى تيگەن قىرتىستى توپىراقتار ەكەنى انىق. ەلباسى ماقالاسىمەن جاراسىم تاپقان تۋىندىلاردى جارىققا شىعارۋعا وتىرار اۋدانىنىڭ اكىمدىگى ايانباي اتسالىستى. ناتيجەسىندە، وتىرار اتاۋىنىڭ ٴمانى مەن ماعىناسى، تاريح جالعاستىعىنىڭ ۇلى ىزدەن العان باستاۋى جونىندە وسكەلەڭ ۇرپاق تا تەرەڭ ۇعىندى.

ارينە، بۇل ەلباسى باستامالارىن جۇزەگە اسىرۋداعى ٴبىر قادام عانا. الداعى ۋاقىتتا دا جاستار بويىنا پاتريوتتىق كۇش بەرەر، تاريحي ٴمانى زور جۇمىستار جالعاسىن تابا بەرمەك.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي