«وردا» يپوتەكاسى قازاقستاندىقتارعا قول جەتىمدى بولادى

استانا، baq.kz. قازاقستانداعى ەڭ ٴىرى بانكتىك ەمەس قارجى ينستيتۋتتارىنىڭ ٴبىرى «بايتەرەك «ۇلتتىق باسقارۋشى حولدينگىنىڭ» اق ەنشىلەس ۇيىمى «قازاقستان يپوتەكالىق كومپانياسى» يپوتەكالىق ۇيىمى» اق يپوتەكالىق نەسيەلەندىرۋدىڭ جاڭا باعدارلاماسىن ىسكە قوسلاتىنىن مالىمدەدى.

قازان ايىنىڭ سوڭىنا قاراي «وردا» يپوتەكاسى قازاقستاندىقتارعا قول جەتىمدى بولادى.«قيك» يۇ» اق-نىڭ جاڭا يپوتەكاسى قازاقستاننىڭ بارلىق تۇرعىندارىنا باستاپقى جانە قايتالاما تۇرعىن ٴۇي نارىعىنان، ولاردىڭ جەكە مەنشىگىندە باسقا تۇرعىن ٴۇيدىڭ بار-جوعىنا قاراماستان، جىلجىمايتىن مۇلىك ساتىپ الۋعا مۇمكىندىك بەرەدى. نەسيەلەندىرۋ ەكىنشى دەڭگەيدەگى بانكتەر ارقىلى جۇزەگە اسىرىلاتىن بولادى، ولار «قيك» يۇ» اق-نىڭ تۇتىنۋشىلاردى تارتۋ مەن قارىز بەرۋ بويىنشا سەرىكتەستەرى رەتىندە ارەكەت ەتەدى.

تولەم قابىلەتتىلىگىن تولىق راستاعان كەزدە، قارىز الۋشىلار ٴۇشىن يپوتەكالىق قارىز مولشەرلەمەسى جىلدىق 12%ٴ-تى، ال، تولەم مۇمكىندىگىن راستاي الماعان جاعدايدا جىلدىق 14%ٴ-تى قۇرايدى. قارىزدىڭ ەڭ كوپ سوماسى - 40 ملن. تەڭگەنى، ەڭ ازى - 1 ملن. تەڭگەنى قۇرايدى. قارىز مەرزىمى - 20 جىلعا دەيىن. قازاقستاننىڭ 16 قالاسىندا يپوتەكا قولجەتىمدى بولادى. جاسى 21-دەن جوعارى قازاقستاننىڭ كەز كەلگەن ازاماتى قارىز الۋشى بولا الادى. نەسيەنى وتەۋ ساتىندە قارىز الۋشىنىڭ نەمەسە قوسالقى قارىز الۋشىنىڭ جاسى زەينەتكەرلىككە شىعاتىن جاستان اسپاۋى ٴتيىس.«وردا» يپوتەكاسى كىرىس تولىق راستالعان كەزدە تۇرعىن ٴۇي قۇنىنىڭ 30%-نەن باستاپ جانە تولەمدى تولىق راستايالماعان جاعدايدا 50%-نەن باستاپ باستاپقى جارنا تولەۋ مىندەتتەلەدى.

«ٴوز ميسسيامىزدى ورىنداي وتىرىپ - ٴارتۇرلى يپوتەكالىق باعدارلامالاردى جۇزەگە اسىرۋ ارقىلى تۇرعىن ۇيگە قولجەتىمدىلىكتى ارتتىرۋدا - ٴبىز كوپتەگەن قازاقستاندىقتاردىڭ ٴوز تۇرعىن ٴۇي جاعدايلارىن جاقسارتۋىنا مۇمكىندىك بەرەتىن يپوتەكانى ازىرلەدىك. وڭتايلى سىياقى مولشەرلەمەسى، رەتتەلەتىن قارىز مەرزىمى مەن باستاپقى جارنا مولشەرى، كىرىستى ٴىشىنارا راستاۋ مۇمكىندىگى، سونداي-اق قارىزدىڭ ەڭ كوپ قوماقتى سوماسى – بۇل بۇگىنگى كۇنى نارىقتاعى قاجەت بولاتىن يكەمدى تالاپتار. قارىز الۋشىلار وزدەرى ٴۇشىن ىڭعايلى باستاپقى پارامەترلەردى تاڭداپ، اي سايىنعى قولايلى تولەمدى انىقتايدى جانە وزدەرىنە ۇناعان كەز كەلگەن تۇرعىن ٴۇيدى ساتىپ الا الادى»، - دەدى «قازاقستان يپوتەكالىق كومپانياسى» يۇ» اق باسقارماسىنىڭ ٴتوراعاسى ٴادىل مۇحامەدجانوۆ.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!