BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ورالدا جارىلىس كەزىندە كۇيىپ قالعان مۇعالىمگە التىنشى رەت وتا جاسالدى

بۇگىنگى كۇنگە دەيىن اسەلىم نىعمەتوۆاعا دەنەسىنىڭ كۇيىپ قالعان تەرىسىن قالپىنا كەلتىرۋ ٴۇشىن التى رەت وتا جاسالعان، دەپ حابارلايدى baq.kz اقپارات اگەنتتىگى موي گورود-قا سىلتەمە جاساپ.

باسىلىمنىڭ جازۋىنشا، اسەلىم ٴقازىر رەسەي فەدەراسياسىنداعى سامارا قالاسىنداعى كلينيكادا ەمدەلۋدە.

«اسەلىمنىڭ تەرىسىنىڭ 40%-ى قالپىنا كەلدى. ٴبىراق ول ٴالى جانساقتاۋ بولىمىندە جاتىر. ونىڭ جانىنا كۇيەۋىنەن باسقا ەشكىمدى كىرگىزبەيدى. ول ٴقازىر كەشەندى ەم قابىلداۋدا. وعان ٴالى دە بىرنەشە رەت وتا جاسالادى»، - دەيدى ونىڭ باۋىرى ەرلان نىعمەتوۆ.

سونداي-اق، ەرلان نىعمەتوۆ اۋرۋحانا باسشىلىعى اسەلىمنىڭ ەمىنە قانشا قارجى كەتكەنىن ەندى حابارلايتىنىن ايتادى. ازىرشە، ونى ەمدەۋگە قانشا قارجى كەتكەنى بەلگىسىز.

ەسكە سالا كەتسەك، بىلتىر قاراشا ايىندا ورال قالاسىنداعى جەكە ۇيدە جارىلىس بولىپ، 6 ادام زارداپ شەككەن بولاتىن. ولاردىڭ بىرەۋى 37 جاستاعى اسەلىم نىعمەتوۆا بولعان. سول كەزدە اياعى اۋىر كەلىنشەكتىڭ دەنەسىنىڭ 85%-ىن كۇيىك شالعان ەدى.

ونىڭ كۇيەۋىنىڭ ايتۋىنشا، قايعىلى جاعداي بولعان كۇنى اسەلىم اس ۇيگە تاڭعى اس دايىنداۋعا بارعان. ودان كەيىن اس ۇيدەن قاتتى داۋىس ەستىلىپ، جارىلىس سالدارىنان ايەلىنىڭ ورتەنىپ جاتقانىن كورگەن. ورتەنىپ جاتقان ايەلىنە كومەكتەسكەنىمەن، ونىڭ كوپ جەرىن كۇيىك شالعان. ال قۇرساقتاعى بالانى قۇتقارۋ مۇمكىن بولماعان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي