BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ٴولىم جازاسىنا كەسىلگەن سارنايەۆتىڭ ادۆوكاتى اپەللياسيالىق شاعىم ٴتۇسىردى

الماتى، baq.kz. بوستون ٴبىرىنشى وكرۋگىنىڭ اپەللياسيالىق سوتى دجوحار سارنايەۆتىڭ ادۆوكاتى اپەللياسيالىق شاعىم تۇسىرگەندىگىن راستايتىن قۇجاتتاردى جاريالادى. بۇل تۋرالى ۆەستي.ru حابارلادى.

سوتتالۋشىنىڭ ادۆوكاتى سوت ۇكىمىن ورىنداماس بۇرىن، بۇل ٴىستى بوستوننان وزگە قالادا قايتا قاراۋ جونىندە اپەللياسيالىق شاعىم تۇسىرگەن.

سارنايەۆتىڭ ادۆوكاتىنىڭ ايتۋىنشا، وقيعا بوستون قالاسىندا بولعاندىقتان بوستوندىق سوتتىڭ ٴادىلقازىلارى بۇل ىسكە وبەكتيۆتى تۇردە قاراماعان.

25 جاستاعى سارنايەۆ ٴقازىر كولورادو شتاتىنداعى قاتاڭ رەجيمدى فلورەنس تۇرمەسىندە وتىر. ونى جازالاۋ كۇن ٴالى تاعايىندالماعان، ويتكەنى ادۆوكاتى سوت شەشىمىنە قارسى ارىز تۇسىرەتىندىگىن حابارلاعان ەدى.

ەسكە سالساق، 2013 جىلدىڭ 15 ساۋىرىندە بوستونداعى ٴداستۇرلى مارافون كەزىندە مارەگە جاقىن تۇستا ەكى جارىلىس ورىن العان بولاتىن. تەراكتىڭ ناتيجەسىندە 3 ادام كوز جۇمىپ، 260-سى جاراقات العان ەدى. پوليسيا بۇل جارىلىستى اعايىندى تامەرلان مەن دجوحار سارنايەۆتار ۇيىمداستىردى دەپ حابارلادى. ولاردى ۇستاۋ كەزىندەگى اتىستان تامەرلان ٴولىپ، دجوحار جارالانعان ەدى. ەكى جىل وتكەن سوڭ دجوحار سارنايەۆتى كىنالى دەپ تاۋىپ، ونى ٴولىم جازاسىنا كەسەن بولاتىن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي