BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«وعان قۋانۋ كەرەك». 7 ۇمىتكەر سۋديا اتاندى

فوتو: ашық дереккөзден

استانا، baq.kz ٴتىلشىسى. بيىل سۋديا اتانۋعا ٴوتىنىم بەرگەن 178 ۇمىتكەردىڭ جەتەۋى عانا ەمتيحاننان سۇرىنبەي ٴوتتى. بۇل تۋرالى جوعارعى سوت كەڭەسىنىڭ جانىنداعى بىلىكتىلىك كوميسسياسىنىڭ ٴتوراعاسى ٴادىلجان قۇرىقبايەۆ ٴمالىم ەتتى.

«وسى جىلدىڭ قىركۇيەگىندە ەمتيحاننىڭ جاڭا ٴادىسى ىسكە قوسىلدى. وعان دەيىن دايىندىق جۇمىستارى جۇرگىزىلدى. جەلتوقساندا ٴبىز 3 ەمتيحاندى وتكىزدىك. جالپى 178 ۇمىتكەر پسيحولوگيالىق جانە كومپيۋتەرلىك ەمتيحانداردى ٴساتتى تاپسىردى. ۇمىتكەرلەردىڭ جەتەۋى عانا بارلىق سىناقتاردان سۇرىنبەي ٴوتتى»، - دەدى قۇرىقبايەۆ جوعارى سوت كەڭەسىنىڭ وتىرىسىندا.

وسى ورايدا قر جوعارعى سوتىنىڭ ٴتوراعاسى جاقىپ اسانوۆ وعان قۋانۋ قاجەتتىگىن ايتتى.

«178 ازاماتتىڭ جەتەۋى ەمتيحاننان ٴوتىپتى. وعان قۋانايىق. دەمەك، جۇيە جاقسى جۇمىس ىستەپ تۇر. ودان قورقۋدىڭ قاجەتى جوق»، - دەدى ٴتوراعا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي