BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

مۇگەدەكتىكتى بەلگىلەۋگە بايلانىستى جول كارتاسى ىسكە اسىرىلۋدا

استانا، baq.kz. مەملەكەتتىك قىزمەتتەردى كورسەتۋدىڭ پروسەسستەرىن وڭتايلاندىرۋ ماقساتىندا قازاقستان رەسپۋبليكاسىنىڭ ەڭبەك جانە حالىقتى الەۋمەتتىك قورعاۋ مينيسترلىگى مۇگەدەكتىكتى بەلگىلەۋگە بايلانىستى مەملەكەتتىك قىزمەتتەردى پرواكتيۆتى كورسەتۋدىڭ 2018 جىلعا ارنالعان جول كارتاسىن ىسكە اسىرۋدا.

ول - «مۇگەدەكتىگى بويىنشا مەملەكەتتىك الەۋمەتتىك جاردەماقى تاعايىنداۋ»;

«ەڭبەك ەتۋ قابىلەتىنەن ايرىلعان جاعدايدا الەۋمەتتىك تولەمدەر تاعايىنداۋ»;

«مۇگەدەك بالانى تاربيەلەپ وتىرعان اناعا نەمەسە اكەگە، بالا اسىراپ الۋشىعا، قورعانشىعا (قامقورشىعا) جاردەماقى تاعايىنداۋ»;

«مۇگەدەكتەرگە پروتەزدىك-ورتوپەديالىق كومەك ۇسىنۋ ٴۇشىن ولارعا قۇجاتتاردى رەسىمدەۋ»;

«مۇگەدەكتەردى سۋردو-تيفلوتەحنيكالىق جانە مىندەتتى گيگيەنالىق قۇرالدارمەن قامتاماسىز ەتۋ»;

«ٴجۇرىپ-تۇرۋىندا قيىندىقتارى بار ٴبىرىنشى توپتاعى مۇگەدەكتەرگە جەكە كومەكشىنىڭ جانە ەستۋ قابىلەتى بۇزىلعان مۇگەدەكتەرگە ىمداۋ ٴتىلى مامانىنىڭ قىزمەتتەرىن ۇسىنۋ ٴۇشىن مۇگەدەكتەرگە قۇجاتتاردى راسىمدەۋ»;

«مۇگەدەكتەرگە كرەسلو-اربالار بەرۋ»;

«مۇگەدەكتەردى ساناتوريي-كۋرورتتىق ەمدەۋمەن قامتاماسىز ەتۋ» قاتارلى 8 مەملەكەتتىك قىزمەتتى پرواكتيۆتىك فورماتتا ۇسىنۋدى كوزدەيدى.

مەديسينالىق-الەۋمەتتىك ساراپتاما جۇرگىزۋ ناتيجەلەرى بويىنشا كورسەتىلەتىن قىزمەتتى الۋشىعا پرواكتيۆتىك تۇردە، ياعني ٴوتىنىشسىز مۇگەدەكتىك بويىنشا مەملەكەتتىك جاردەماقىلاردى، مۇگەدەكتەرگە ارنالعان الەۋمەتتىك جاردەماقىلاردى، مۇگەدەك بالانى تاربيەلەۋشىگە بەرىلەتىن جاردەماقىنى تاعايىنداۋ، سونداي-اق وڭالتۋدىڭ جەكە باعدارلاماسىنا سايكەس وڭالتۋ قۇرالدارى مەن قىزمەتتەرىن ۇسىنۋ ٴۇشىن قۇجاتتار راسىمدەلەتىن بولادى، بۇل مۇگەدەكتەردىڭ باعىتىن قىسقارتۋعا، ولاردىڭ ٴتيىستى قىزمەتتەردى الۋى ٴۇشىن كورسەتىلەتىن قىزمەتتى بەرۋشىلەرگە بارۋ قاجەتتىلىگىن جويۋعا، قاعاز تۇرىندەگى قۇجات اينالىمىن ازايتۋعا مۇمكىندىك بەرەدى.

جول كارتاسىن ىسكە اسىرۋ شەڭبەرىندە مينيسترلىكتىڭ ەڭبەك، الەۋمەتتىك قورعاۋ جانە كوشى-قون كوميتەتى اۋماقتىق دەپارتامەنتتەرىنىڭ، جۇمىسپەن قامتۋدى ۇيلەستىرۋ باسقارمالارىنىڭ، قالالىق/اۋداندىق جۇمىسپەن قامتۋ جانە الەۋمەتتىك باعدارلامالار بولىمدەرىنىڭ قىزمەتكەرلەرىنە مۇگەدەكتىكتى بەلگىلەۋگە بايلانىستى پرواكتيۆتى مەملەكەتتىك قىزمەتتەردى كورسەتۋدىڭ بيزنەس-پروسەستەرى تۇرعىسىنان اقپاراتتىق جۇيەلەردە جۇمىس ىستەۋگە وقىتۋ كۋرستارى جۇرگىزىلدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي