مۇقاباداعى سۇلۋ. استانالىق 20 ارۋدىڭ فوتوسى كۇنتىزبەدە - قوعام|21 جەلتوقسان 2018، 11:25
كۋرسى ۆاليۋت وبنوۆليايۋتسيا
استانا:

مۇقاباداعى سۇلۋ. استانالىق 20 ارۋدىڭ فوتوسى كۇنتىزبەدە

استانا، baq.kz. «استانا ارۋى» بايقاۋى ٴوزىنىڭ 20 جىلدىق مەرەيتويىنا وراي، مەرەيتويلى بايقاۋدىڭ فينالعا شىققان 20 ارۋىنىڭ سۋرەتى جاريالانعان تانىستىرىلىم كۇنتىزبەسىن شىعارماق.

استانانىڭ ارۋ قىزدارىنا فوتوسەسسيا جاساعان جىلتىر باسىلىمداردىڭ اتاقتى fashion-فوتوسۋرەتشىسى مارەتا كەليگوۆا. ونىڭ تۋىندىلارى ٴوز ٴىسىنىڭ حاس شەبەرى ايگىلى ماكسيم ٴزولوتۋحيننىڭ تۋىندىلارىمەن ۇيلەسىم تاپقان. استانانىڭ كورىكتى جەرلەرىن كوزدىڭ جاۋىن الاتىنداي ەتىپ تۇسىرگەن ونىڭ سۋرەتتەرى جوباعا ٴسان بەردى.

كۇنتىزبەنىڭ مۇقاباسىندا «استانا ارۋى 2018» مەرەيتويلى بايقاۋىنىڭ جەڭىمپازى ەركەناز سەيفۋللا بەينەلەنگەن. جۇمىستىڭ ناتيجەسىن تاماشالاۋدى، سونداي-اق ارمان قالا استانامىزدىڭ ايداي سۇلۋ ارۋى تۋرالى تولىق اقپارات الۋدى ۇسىنامىز.

جاڭا «استانا ارۋى» ەركەناز سەيفۋللا تۋرالى مالىمەت

2017 جىلى دارىندى بالالارعا ارنالعان “زەردە” مەكتەبىن ٴتامامداعان. قازاق تەحنولوگيا جانە بيزنەس ۋنيۆەرسيتەتىندە ٴبىلىم الىپ جاتىر، بولاشاق ديزاينەر رەتىندە ٴوزىنىڭ كيىم-كەشەك جەلىسىن قۇرۋدى ارماندايدى.

العاشقى كۇننەن باستاپ ەركەناز ستۋدەنتتىك ومىرگە بەلسەنە ارالاسىپ كەتىپتى: جاستار ٴىسى جونىندەگى كوميتەتتىڭ جانىنداعى دەپارتامەنتتى باسقارادى، ۋنيۆەرسيتەتتەگى «sunrise» ٴسان تەاترىن باسقارادى، «bakeryfest» قايىرىمدىلىق جارمەڭكەسىن ۇيىمداستىرادى، ودان تۇسكەن قاراجاتتى ناۋقاس بالالارعا قاراجات جيناۋ قورىنا بەرەدى ەكەن.

سونداي-اق ەركەناز سەيفۋللا «اق وردا» دەبات كلۋبىنىڭ 2017-2018 جىل ماۋسىمىنداعى ەڭ ۇزدىك سپيكەر اتاعىن الدى.

«استانا ارۋى» بايقاۋىن وتكىزىپ جاتقان كەزدە سۇلۋىمىز سۇرانىپ، ٴوزىنىڭ قالا اكىمدىگىندەگى جوباسىن قورعاۋ ٴۇشىن «جاستار سينەرگياسى» لاگەرىنىڭ الەۋمەتتىك ۇيىمدارىنا بارىپ كەلگەن بولاتىن. ەركەنازدىڭ ايتۋىنشا، «باستاماشىل جاستار» جوباسىنىڭ نەگىزگى يدەياسى – جاستاردى قولىندا ديپلومى بار مامانعا عانا ەمەس، ٴارتۇرلى سالادا تاجىريبەسى بار، جان-جاقتى دامىعان ادامعا اينالدىرۋ ەكەن.

سۇلۋىمىز كوپبالالى وتباسىندا وسكەن. ونىڭ اناسى جىبەك قر كوپبالالى انالارعا ارنالعان «التىن القا» ماراپاتىنىڭ يەگەرى.

«مەنىڭ وتباسىم ۇلكەن، انام بىردە-بىرەۋىمىزدى نازارسىز قالدىرمايدى، بىزگە دۇرىس تاربيە بەرۋ ٴۇشىن ايانباي ەڭبەكتەنەدى. مەن اتا-انامنىڭ ٴۇمىتىن اقتاۋعا تىرىسامىن، ويتكەنى سول كىسىلەردىڭ ارقاسىندا ٴبىز مولشىلىقتا ٴوسىپ، ۇزدىك بولۋعا ۇمتىلىپ كەلەمىز. وتباسىما دەگەن العىسىم شەكسىز، وتباسىمنىڭ ماحابباتى مەن قولداۋى بولماسا، مۇنداي جەتىستىككە قول جەتكىزە الماس ەدىم»، - دەپ ٴبولىستى ەركەناز.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي