مۇعالىمدەرگە ارنالعان ۇيالى بايلانىس ٴتاريفى پايدا بولادى - قوعام|10 جەلتوقسان 2018، 16:57
BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

مۇعالىمدەرگە ارنالعان ۇيالى بايلانىس ٴتاريفى پايدا بولادى

استانا، baq.kz ٴتىلشىسى. قازاقستاندا ۇيالى بايلانىس وپەراتورلارى ۇسىناتىن تاريفتەر قۇنى تومەندەيدى. بۇل تۋرالى اقپارات جانە كوممۋنيكاسيالار ۆيسە-مينيسترى دارىن تۇياقوۆ ۇەم قابىرعاسىندا وتكەن «تاريف ساياساتىنىڭ اشىقتىعى جانە تاريفتەردى تومەندەتۋ بويىنشا قابىلداناتىن شارالار» اتتى دوڭگەلەك ۇستەلدە مالىمدەدى.

«2018 جىلدىڭ 23 قاراشاسىندا مينيسترلىكتە بارلىق وپەراتورلاردى شاقىرىپ، ۇلكەن كەڭەس وتكىزدىك. بايلانىس وپەراتورلارى ابونەنتتەر ٴۇشىن الەۋمەتتىك تاريف جاساۋعا مۇمكىندىك بار دەپ باستاما كوتەردى. «قازاقتەلەكوم» 2019 جىلدىڭ 1 قاڭتارىنان باستاپ 3499 تەڭگەنى قۇرايتىن الەۋمەتتىك ٴتاريفتى ەنگىزۋدى جوسپارلاپ وتىر. بۇل وسىعان دەيىنگى تاريفتەن 5% ارزان بولادى. اتالعان توپتاماعا ينتەرنەت جانە قازاقستان بويىنشا ٴليميتسىز قوڭىراۋ شالۋ كىرەدى. ال «قازترانسكوم» العاش رەت بايلانىسقا قوسىلاتىن ابونەنتتەرگە 50%، ال ابونەنتتىك تولەمگە 10% جەڭىلدىك جاساماق. سونىمەن قاتار ينتەرنەتكە ارنالعان تولەم قۇنىن دا 15% ارزانداتۋدى جوسپارلاپ وتىر»، - دەدى تۇياقوۆ.

ونىڭ ايتۋىنشا، «ترانستەلەكوم» كومپانياسى ۇلى وتان سوعىسى ارداگەرلەرىنە 5% جەڭىلدىك جاساۋدى ۇسىنعان. كومپانيانىڭ مالىمەتىنشە، اتالعان وپەراتوردىڭ ٴتاريفى وتە تومەن: اۋىل تۇرعىندارىنا – 529 تگ، ال قالالىقتارعا – 797 تەڭگە.

«كار-تەل» كومپانياسى «الەۋمەتتىك» دەپ اتالاتىن جاڭا تاريف جوسپارىن ۇسىندى. «الەۋمەتتىك» بۇل – «الەۋمەتتىك پليۋس» جانە مۇعالىمدەرگە ارنالعان تاريف جوسپارى. وسى تاريفتىك جوسپار بويىنشا بايلانىس قىزمەتىنىڭ قۇنى 50% ارزاندايدى. وسىعان دەيىن 1300 تەڭگەنى قۇراسا، ٴقازىر 590 تەڭگە بولادى. kcell «كومفورت xs پليۋس» تاريفتىك جوسپارىن ۇسىندى. اي سايىنعى ابونەنتتىك تولەم ەسەبىنەن تاريف قۇنىن 50% تومەندەيتىن بولادى. وسىعان دەيىن 2590 تەڭگە بولسا، ەندى 1390 تەڭگەنى قۇرايدى»، - دەدى ۆيسە-مينيستر.

ول «موبايل تەلەكوم-سەرۆيس»، «التەل» جانە «tele2» بايلانىس وپەراتورلارىنان قىزمەت قۇنىن تومەندەتۋ تۋرالى ازىرگە ۇسىنىس كەلىپ تۇسپەگەنىن ايتا كەتتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي