BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

لاڭكەستىككە قارسى وپەراسيا كەزىندە قازاقستاندىقتاردىڭ ۇيالى بايلانىسى بۇعاتتالادى

بۇگىن استانادا ەكسترەميزم مەن تەرروريزمنىڭ الدىن الۋ جانە ونىڭ جولىن كەسۋ ماسەلەلەرىنە ارنالعان دوڭگەلەك ۇستەل وتىرىسى بارىسىندا قر ۇلتتىق قاۋىپسىزدىك كوميتەتى ٴتوراعاسىنىڭ ورىنباسارى نۇرعالي بىلىسبەكوۆ ٴمالىم ەتكەندەي، بۇدان بىلاي لاڭكەستىككە قارسى وپەراسيا بارىسىندا 1-2 شاقىرىم راديۋستا ۇيالى بايلانىسقا توسقاۋىل قويىلاتىن بولادى.

«لاڭكەستىككە قارسى وپەراسيا جۇرگىزۋ تيىمدىلىگىن ارتتىرۋ ماقساتىندا 1-2 شاقىرىمدىق لوكالدى ايماق راديۋسىندا جەلىنى بۇعاتتاۋ ٴۇشىن سايكەسىنشە تەحنيكالىق قۇرالدار ساتىپ الۋ ماسەلەسى قاراستىرىلۋدا. بۇل لاڭكەستەردىڭ قولدان جاسالعان جارىلعىش قۇرىلعىلاردى ىسكە قوسۋ، سونىمەن قاتار تەرروريستىك اكتىنى جۇزەگە اسىرۋ كەزىندە بىر-بىرىمەن حابارلاسۋ ٴۇشىن بايلانىس قۇرالدارىن پايدالانۋىن بولدىرماۋعا بايلانىستى قولعا الىنباق»، - دەدى ول.

بىلىسبەكوۆتىڭ ايتۋىنشا، ىشكى ىستەر ورگاندارىنىڭ جەدەل باسقارۋ ورتالىقتارىنا قوسىلعان بەينە باقىلاۋ كامەرالارىنىڭ سانىن 4 مىڭنان 51 مىڭعا دەيىن ۇلعايتۋ دا جوسپارلانۋدا.

قر ۇقك ٴتوراعاسىنىڭ ورىنباسارى لاڭكەستىك قاۋىپكە مونيتورينگ جاساۋ جانە ونى دەر ۋاقىتىندا الۋدىڭ ماڭىزدى ەلەمەنتى حالىقتىڭ كوممۋنيكاسيالىق مۇمكىنشىلىگىن پايدالانۋ بولىپ وتىرعانىن جەتكىزدى. بۇل ماقساتتارعا اقپارات جانە كوممۋنيكاسيالار مينيسترلىگى ٴۇش ساندى «110» ٴنومىرىن ٴبولدى. ول ۇقك-نىڭ بارلىق تەرريتوريالىق ورگاندارىنا قوسىلعان. قالالىق جانە اۋداندىق تەلەفون ستانسالارىنىڭ ابونەنتەرىمەن دە تۇراقتى بايلانىس قامتاماسىز ەتىلگەن. ەندىگى ۋاقىتتا kcell، activ، altel جانە tele-2 ۇيالى بايلانىس وپەراتورلارىن «110» ٴبىرىڭعاي نومىرىنە قوسۋ ماسەلەسى قاراستىرىلۋدا.

«رەسپۋبليكا تەرريتورياسىندا تەرروريستىك ٴقاۋىپتىڭ «سارى» دەڭگەيى ەنگىزىلگەننەن بەرى حالىقتىڭ اقپاراتتىق بەلسەندىلىگى 2 ەسەگە جۋىق ارتتى. اي سايىن ۇلتتىق قاۋىپسىزدىك ورگاندارىنا كۇدىكتى زاتتار، تەراكتىگە دايىندىق بەلگىلەرىنە قاتىستى 50-گە دەيىن دابىل ٴتۇسىپ، وعان وراي جەدەل قىزمەتتەر شۇعىل ارەكەت جاسايدى»، - دەدى ن.بىلىسبەكوۆ.

inform.kz


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي