BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

كولىك تاسىمالى بويىنشا قازاقستان زاڭىن رەسەيلىكتەر كوبىرەك بۇزادى

استانا، baq.kz. قر يدم كولىك كوميتەتى 2018 جىلدىڭ 19 قاراشاسى مەن 2019 جىلدىڭ 31 قاڭتارى ارالىعىندا «كولىكتىك باقىلاۋ – وتاندىق تاسىمالداۋشىلاردىڭ مۇددەسىن قورعاۋدا» اكسياسىن جاريالاعان بولاتىن.

2018 جىلدىڭ 19 قاراشاسى مەن 19 جەلتوقسانى ارالىعىندا اكسيا اياسىندا كولىكتىك باقىلاۋ ورگاندارى 7 086 شەتەل اۆتوكولىگىن تەكسەرىپ، 363 تاسىمالداۋشى قازاقستان رەسپۋبليكاسىنىڭ كولىك زاڭناماسى مەن حالىقارالىق كەلىسىم نورمالارىن بۇزعانى ٴۇشىن اكىمشىلىك جاۋاپكەرشىلىككە تارتىلدى.

"ولار اۆتوموبيل كولىگىمەن جۇك تاسىمالداۋ قاعيدالارىن بۇزعان (150)، شەتەلدiك تاسىمالداۋشىنىڭ اۆتوموبيلمەن تاسىمالداۋلاردىڭ رۇقسات بەرۋ جۇيەسiن حالىقارالىق قاتىناستا قولدانۋ قاعيدالارىنا سايكەس رەسiمدەلمەگەن وتاندىق رۇقساتتى پايدالانعان (77)، وتاندىق رۇقسات بلانكىسىز جۇرگەن (7)، ورىندالماعان حابارلاما بولعان كەزدە حالىقارالىق اۆتوموبيلمەن تاسىمالداۋدى جۇزەگە اسىرعان (6) سياقتى زاڭ بۇزۋشىلىقتار جاساعان" - دەيدى يدم ٴباسپاسوز قىزمەتى.

زاڭ بۇزۋشىلىققا جول بەرگەن تاسىمالداۋشىلاردىڭ نەگىزگى بولىگى، ياعني 42% (154) رەسەيلىك، 33% (121) قىرعىز، 7،4% (27) وزبەك جانە 17،6% (61) باسقا مەملەكەتتەردىڭ تاسىمالداۋشىلارى (ليتۆالىق – 23، پولشالىق – 8، ۋكرايندىق – 18، نەمىس – 2 جانە باسقا 10).

سالىنعان اكىمشىلىك ايىپپۇل سومماسى مەن الىم سومماسى 16 ملن 943 مىڭ تەڭگە بولدى.

اكسيا 2019 جىلدىڭ 31 قاڭتارىنا دەيىن جالعاسادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي