BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

كولىگىن ۇرلاپ، ٴوز اتتارىنا اۋدارىپ العان 

الماتى تۇرعىنى ٴبىر جىلدان بەرى ۇرلانعان كولىگىن قايتارا الماي ٴجۇر، دەپ حابارلايدى baq.kz اقپارات اگەنتتىگى ەۋرازيا ٴبىرىنشى تەلەارناسىنا سىلتەمە جاساپ.

تەمىر تۇلپارىن كۇشتەپ تارتىپ الىپ، جالعان قۇجاتپەن ٴوز اتتارىنا اۋدارىپ العان كۇدىكتىلەر ۇستالعان ٴارى ولار ٴوز قىلمىستارىن مويىنداعان. الايدا، سودان بەرى ماشينا ايىپپۇل تۇراعىندا تۇر. ال ٴىس بولسا ساعىزشا سوزىلىپ، سوتقا جولدانباعان. سەزىكتىلەر تايراڭداپ بوستاندىقتا ٴجۇر ەكەن. تەرگەۋگە كوڭىلى تولماعان ەرلان بەكمىرزا تەلارناعا جۇگىنگەن. ال بۇل ىسكە قاتىستى پوليسەيلەر نە دەيدى؟

ەرلان بەكمىرزاعا اۆتوسالوننان سۋ جاڭا اۆتوكولىكتى ەرجان ايپان دەگەن ازامات ساتىپ الىپ، باسقارۋعا بەرگەن. تەمىر تۇلپار اتىراۋ وبلىسىندا تىركەلگەن ەكەن. الماتىعا الىپ كەلگەن كەزدە ەرلاننىڭ ۇيىنە 5-6 ادام باسىپ كىرىپ، قۇزىرلى ورگانداردا جانە قىلمىستىق سەركەلەرمەن بايلانىسىمىز بار دەپ قورقىتىپ، تەمىر تۇلپارىن تارتىپ الىپ كەتىپتى. جاپا شەگۋشى بىردەن قۇزىرلى ورگاندارعا شاعىم تۇسىرگەن.

«الدىندا تەرگەۋ جۇمىسى باستالاتىن كەزدە بىزگە كەلىپ كەتكەن، مويىندادى. ماشينانى الا تۇرىڭدار دەپ. ٴبىز ايتتىق ماشينانى قالاي الامىز دەپ. ماشينانى وزدەرىنىڭ اتىنا اۋدارىپ العان. لومباردقا 3 ميلليونعا زالوگقا قويىپ تاستاعان»، - دەيدى الماتى قالاسىنىڭ تۇرعىنى ەرلان بەكمىرزا.

كولىكتى الىپ كەتكەندەر جالعان قۇجاتپەن اۆتوكولىكتى ٴوز اتتارىنا اۋدارىپ، ٴوز ماقساتتارىنا پايدالانىپ، 30 مىڭ شاقىرىم جۇرگەن. كۇدىكتىلەر انىقتالعاننان كەيىن اۆتوكولىك تاركىلەنگەن. وتكەن جىلدىڭ تامىزىنان بەرى ايىپ تۇراعىندا تۇرعان كولىككە زاقىم كەلىپ، اينەگى سىنىپ، ٴبىراز جەرى مايىسقان. كولىك يەسى شىعىندى كىمنەن تالاپ ەتەتىنىن بىلمەي دال. ال كۇدىكتىلەر جابىرلەنۋشىگە كەلىپ، كەشىرىم بەرۋىن سۇراعان.

پوليسەيلەر ٴىس ساعىزشا سوزىلعان جوق، زاڭ تالاپتارىنا ساي دەيدى. ٴالى دە تەرگەۋ امالدارى جالعاسىپ جاتىر ەكەن. كۇدىكتىلەردىڭ بارلىعى جاۋاپكەرشىلىكتەن قۇتىلىپ كەتپەيدى دەپ سەندىردى.

«وسى ىسكە قاتىستى بارلىق تۇلعالار انىقتالىپ، ناتيجەسىندە بولعان وقيعانىڭ بارلىق ٴمان-جايى انىقتالدى. قىلمىستىق ٴىس بويىنشا ٴتيىستى ساراپتامالار تاعايىندالدى. ونىڭ ٴبىرىنىڭ ناتيجەسىن ٴالى دە كۇتۋ ۇستىندەمىز. ياعني سەنىم حاتتىڭ جالعان نەمەسە جالعان ەمەستىگىن ايقىنداۋعا باعىتتالعان سوت ساراپتاماسىنىڭ ٴبىر ٴتۇرى»، - دەيدى الماتى قالالىق ٴىىد رەسمي وكىلى سالتانات ازىربەك.

ٴتارتىپ ساقشىلارى سەنىمحاتتى بەرگەن ادامنىڭ قولىنىڭ قولتاڭباسىنىڭ تۇپنۇسقا ەكەنىن انىقتاۋعا قاتىستى ساراپتامانى كۇتىپ وتىر ەكەن. تەرگەۋ امالدارىن ٴبىر ايدىڭ كولەمىندە انىقتاپ، سوتقا جولداۋدى كوزدەپ وتىر. ال ايىپ تۇراعىنا كىرمەك تۇگىلى ەسىگىنەن دە سىعالاۋ مۇمكىن ەمەس.

ايپان ەرجاننىڭ اۆتوكولىگى الماتى قالاسىنىڭ ايىپ تۇراعىنا قويىلعان. وندا قۇزىرلى ورگانداردىڭ رۇقساتىنسىز ەشكىمدى ىشكە كىرگىزبەيدى. اۆتوكولىك قىلمىستىق ىستە نەگىزگى دايەك بولىپ تابىلاتىندىقتان، تەرگەۋ بارىسىندا جانە سوت شەشىمى شىققانعا دەيىن يەسىنە قايتارىلمايدى ەكەن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي