BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

كەلەر جىلى كارى قىزدار مەن ٴسۇربويداقتار قاتارى ازايادى

فوتو: god2019.net

الماتى، baq.kz. نۋمەرولوگتاردىڭ بولجامىنشا، 2019 – وتباسى جىلى بولماق. ياعني كوپتەن بەرى ٴوز باقىتىن تاپپاعان بويداق قىز-جىگىتتەرگە دوڭىز جىلى وتاۋ قۇرۋ ٴۇشىن تاپتىرماس ۋاقىت. ٴبىراق، ول ٴۇشىن ارنايى تالاپتار ورىندالۋى شارت. بۇل تۋرالى ەۋرازيا ٴبىرىنشى ارناسى حابارلادى.

2019 جىلى ٴسىز بولاشاق جارىڭىزدى جولىقتىرىپ، شاڭىراق كوتەرۋىڭىز ابدەن مۇمكىن. تانىمال نۋمەرولوگتاردىڭ بولجامىنا سايكەس، كەلەر دوڭىز جىلى وتباسىلى بولۋىڭىزعا جول اشپاق.

«2019 جىل جەكە ومىردەگى وزگەرىستەر ٴۇشىن وتە جاقسى. ەگەر ٴسىز تۇرمىس قۇرماساڭىز نەمەسە ٴالى ۇيلەنبەگەن بولساڭىز كەلەر جىلى ومىرلىك جارىڭىزدى كەزدەستىرۋگە ۇلكەن مۇمكىندىگىڭىز بار. ەڭ قىزىعى، توي وتە شۋلى، كوڭىلدى بولۋ كەرەك. سوندا ٴسىزدىڭ نەكەڭىز باقىتتى، بەرەكەلى ٴارى بەرىك بولادى. ال وتباسىڭىزدا قيىندىقتار كەزدەسپەيدى»، - دەيدى نۋمەرولوگ كلارا كۇزدەنبايەۆا.

استرولوگ ماماندار دا نۋمەررولوگتىڭ ايتقان پايىمىمەن تولىقتاي كەلىسەدى. 2019 جىل جالپى قازاقستان ٴۇشىن ٴساتتى بولماق.

«ٴيا 2019 جىل 2018 قاراعاندا الدە قايدا قۇتتى جىل بولماق! اتاپ ايتقاندا، دوڭىز جىلى جەڭىلدەۋ وتەدى. ماسەلەن قازاقستان استرولوگيا بويىنشا مەرگەن جىلى تاۋەلسىزدىگىن الدىق دەسەك، ياعني بيىلعى جىل ساتتىلىك الىپ كەلەدى دەگەن ٴسوز. ونىڭ ىشىندە ەلىمىزدە جاڭا رەفورمالار، جاڭا باستامالار قولعا الىنادى»، - دەيدى پسيحولوگ بوتاگوز نۇرعالي.

وكىنىشكە قاراي بۇگىندە وڭ بوساعادا وتىرىپ قالعان قىزداردىڭ سانى 700 مىڭعا دەيىن جەتىپ وتىر. وسىعان قاتىستى ماماندار ٴتىپتى "كارى قىز سيندرومى" تەرمينىن ەنگىزىپ، ونىڭ ٴتۇرلى سەبەپتەرىن زەرتتەپ كورسەتكەن. ال سۇربويداق جىگىتتەردىڭ قاتارى ارۋلارعا قاراعاندا 2 ەسە از ەكەن. سوندىقتان، "بۇرىمدىلار كوپ سوزباي، تۇرمىسقا شىعۋ كەرەك" دەيدى ساراپشىلار.

«سول بولجامعا قاتتى سەنىپ، ناقتى سول جىلى تۇرمىسقا شىعا الماعان بولسا، بۇل دا ٴبىر ادامنىڭ ىشتەي، سىرتقا كورسەتپەسە دە، ىشتەي ٴبىر كۇيزەلىسكە اكەپ سوقتىرادى. ٴار نارسەنىڭ ەكى جاعى بولادى. ٴبىر جاعىنان ول قىز-كەلىنشەكتەرىمىزگە پايدالى بولۋى مۇمكىن. ٴبىر جاعىنان كەرىسىنشە كەرى اسەرىن اكەلۋى مۇمكىن»، - دەيدى پسيحولوگ ايىم ٴابدىروۆا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي