BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

كەيكى باتىردىڭ سۇيەگى كەلەسى جىلدىڭ جازىندا جەرلەنەدى

بۇگىن قر پرەمەر-مينيسترىنىڭ ورىنباسارى يمانعالي تاسماعامبەتوۆ 1916 جىلعى ۇلت-ازاتتىق كوتەرىلىسىنىڭ باتىرى – كەيكى باتىردىڭ سۇيەگىن جەرلەۋ ماسەلەلەرى جونىندە كەزەكتى جۇمىس كەڭەسىن وتكىزدى، دەپ حابارلايدى baq.kz.

ۆيسە-پرەمەر تۇتاس ٴبىر ۇلتتىڭ نامىسىن ارقالاعان اقبەرەن قولباسشى كەيكى باتىردىڭ باس سۇيەگىنىڭ ەلگە قايتارىلۋى ەلدىگىمىز بەن ەرلىگىمىزدى پاش ەتكەن يگىلىكتى ٴىس ەكەنىن باسا ايتتى. باتىردىڭ اتى مەن ەرلىگىن بارىنشا دارىپتەپ، ونىڭ دەنەسىن سالت-داستۇرىمىزبەن ارۋلاپ جەرلەۋ قابىرعالى حالىق، ىرگەلى ەل ەكەندىگىمىزدىڭ كورىنىسى. سوندىقتان يمانعالي تاسماعامبەتوۆ كەيكى باتىردىڭ دەنەسىن جەرلەۋ ٴراسىمىن ۇيىمداستىرۋ جونىندەگى ناقتى ٴىس-قيمىل جوسپارىن قۇرۋ ماڭىزدى ەكەنىن اتادى.

«ٴبىز بۇگىن تاعى دا باس قوسىپ، قازاقتىڭ كوزمەرگەن باتىرى كەيكى باتىردىڭ دەنەسى كومىلگەن ورىندى ىزدەۋ بويىنشا عىلىمي-زەرتتەۋ جۇمىستارىن ۇيىمداستىرۋ ٴۇشىن ارحەولوگتار مەن عىلىمي قىزمەتكەرلەر توبىن قۇرۋ ماسەلەسىن تالقىلاپ وتىرمىز. تاريحي تۇلعالارىمىزدىڭ اتىن دارىپتەۋ جانە ولاردىڭ مۇراسىن ساقتاۋ ەلىمىزدىڭ ابىروي-بەدەلىن ارتتىرىپ، ۇلتتىق رۋحىمىزدى وسىرەدى. بۇل رەتتە، الدا جوسپارلانعان ٴىس-شارالاردى مۇقيات پىسىقتاپ، وسىناۋ تاريحي ماڭىزى زور كەلەلى ىسكە ٴبىر كىسىدەي جۇمىلا كىرىسۋىمىز كەرەك» – دەدى يمانعالي تاسماعامبەتوۆ.

ۇكىمەت باسشىسىنىڭ ورىنباسارى تولىققاندى ٴارى ساپالى زەرتتەۋ جۇرگىزۋ ٴۇشىن ٴبىرشاما ۋاقىت كەرەك ەكەنىن ايتتى. سوندىقتان شىعارماشىلىق زيالى قاۋىم وكىلدەرى، تاريحشى عالىمدار جانە باتىر ۇرپاقتارىنىڭ پىكىرىن ەسكەرە كەلە، باتىردىڭ دەنەسى كومىلگەن ورىندى ىزدەستىرۋ، ونى انىقتاۋ جانە جەرلەۋ راسىمىنە دايىندىقتى كەلەسى جىلعى جازدىڭ سوڭىنا دەيىن جۇرگىزۋ قاجەت دەپ شەشتى.

كەڭەس بارىسىندا يمانعالي تاسماعامبەتوۆ مادەنيەت جانە سپورت مينيسترلىگىنە قوستاناي وبلىسىنىڭ اكىمدىگىمەن بىرلەسىپ كەيكى باتىردىڭ كەسەنەسىن جوبالاۋ جانە ودان ٴارى قۇرىلىسىن جۇرگىزۋ ٴۇشىن بارلىق قاجەتتى شارالاردى قابىلداۋ جونىندە تاپسىرما بەردى.

ايتا كەتەيىك، بيىل 12 تامىزدا قر بۇرىنعى پرەمەر-مينيسترى كارىم ٴماسىموۆ رف ۇكىمەت ٴتوراعاسى دميتريي مەدۆەدەۆپەن كەزدەسۋى بارىسىندا وتكەن ٴجۇز جىلدىقتاعى ۇلت-ازاتتىق قوزعالىستىڭ كوشباسشىسى كەيكى باتىردىڭ باس سۇيەگىن ەلگە قايتارۋ ماسەلەسىن كوتەرگەن ەدى. 6 قازان كۇنى كەيكى باتىردىڭ باس سۇيەگى رەسەيدەن قازاقستانعا جەتكىزىلدى. ول 93 جىل بويى سانكت-پەتەربۋرگ قالاسىنداعى كۋنستكامەرادا ساقتالىپ كەلدى. قازىرگى ۋاقىتتا مادەنيەت جانە سپورت مينيسترلىگى ماجارستاننىڭ جاراتىلىستانۋ عىلىمدارى مۋزەيىنىڭ ماماندارىمەن بىرلەسىپ كەيكى باتىردىڭ باس سۇيەگىنە انتروپولوگيالىق ساراپتاما جاساۋدا. ونىڭ اياسىندا باتىردىڭ كەلبەتى قالپىنا كەلتىرىلىپ، زاماناۋي تەحنولوگيانى قولدانۋ ارقىلى دنك ساراپتاماسى جۇرگىزىلەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي