استانا: 
2039 
0
استانا، baq.kz. پوشتا وپەراتورى 2018 جىلدىڭ باسىندا «قازپوشتا قىزمەتتەرىن ٴۇشىنشى تۇلعالار ارقىلى كورسەتۋ ٴۇشىن فرانچايزينگ مودەلىن ەنگىزۋ» جوباسىن باستاعان بولاتىن. جوبانىڭ باستى ماقساتى – حالقىمىزدى قولجەتىمدى جەردەن پوشتا قىزمەتتەرىمەن قامتۋ. بۇل تۋرالى مەكەمەنىڭ ٴباسپاسوز قىزمەتى حابارلادى.
ٴقازىر پوشتا قىزمەتتەرىن شاعىن جانە ورتا بيزنەس ارقىلى كورسەتۋ سەرىكتەستىك باعدارلاماسى قازاقستاننىڭ بارلىق جەرىندە جۇمىس ىستەيدى. كومپانيا جەكە بيزنەسپەن اينالىساتىن جەرگىلىكتى كاسىپكەرلەرمەن ىنتىماقتاستىق ارقىلى ٴوز جەلىسىن كەڭەيتۋدە.
ەندى پوشتا بولىمشەلەرىنە بارماي-اق سالەمدەمەلەردى الۋعا نەمەسە جىبەرۋگە، اۋە جانە تەرمىرجول بيلەتتەرىن ساتىپ الۋعا، كوممۋنالدىق تولەمدەردى جانە سالىقتاردى تولەۋگە بولادى. كاسىپكەرلەر دۇكەندەرىندە، جانار-جاعارماي قۇيۋ ستانسيالارىندا جانە باسقا دا جەرلەردە قازپوشتانىڭ قىزمەتتەرىن كورسەتىپ، سونىمەن قاتار ٴوز تاۋارلارىن ساتا الادى.
«ٴبىز فرانچايزەر-سەرىكتەستەرىمىزگە دايىن باعدارلامانى ۇسىنامىز، قىزمەتكەرلەرىن ۇيرەتىپ، ۇيىمداستىرۋشىلىق جانە ماركەتينگتىك، سونداي-اق كولىكتىك-لوگيستيكالىق سۇيەمەلدەۋ جۇمىستارىن كورسەتەمىز. مۇنداي سەرىكتەستىكتىڭ ارقاسىندا شاعىن جانە ورتا بيزنەستەر تابىس تابۋدا، ال قازپوشتا ٴوز جەلىسىن كەڭەيتۋدە"، - دەيدى «قازپوشتانىڭ» كوممەرسيالىق دەپارتامەنتىنىڭ ديرەكتورى زاميرا جۇماعۇل.
بۇگىندە قازاقستاننىڭ بارلىق قالاسىندا قازپوشتانىڭ 111 فرانچايزەر-سەرىكتەستەرى جۇمىسىن اتقارادى.
انىقتاما:
فرانچايزينگ – بەلگىلى ٴبىر كومپانيا كەلىسىمشارتتىق قاتىناس ارقىلى بەلگىلى ٴبىر ادامعا، كومپانياعا نەمەسە ۇيىمعا ٴوزىنىڭ اتاۋىن، ونىڭ بەدەلىن، ونىمدەرى مەن قىزمەتتەرىن، ماركەتينگتىك تەحنولوگيالاردى، ساراپتامانى جانە قولداۋ مەحانيزمدەرىن پايدالانۋ قۇقىعىن بەرەتىن بيزنەس-ۇيىم ۇلگىسى.
فرانچايزينگتىك تۇردە كورسەتىلەتىن پوشتا قىزمەتتەرى شۆەيساريادا، ٴۇندىستاندا، اۆستراليادا، كانادادا جانە باسقا ەلدەردە كەڭىنەن تاراعان. ەڭ جارقىن مىسالدار - ۇلىبريتانيا مەن گەرمانيانىڭ پوشتا بولىمشەسى. royal mail -دىڭ11 600 فيليالى بولسا، ونىڭ ٴ300-ى عانا كومپانياعا تيەسىلى، ال deutsche post-تىڭ ٴبىر عانا پوشتا بولىمشەسى بار، قالعاندارى كلاسسيكالىق فرانچايزينگ مودەلى بويىنشا جۇمىس ىستەيدى. وسى پوشتالاردىڭ تاجىريبەسىن قازپوشتا دا ٴوز جۇمىسىندا قولداندى.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
17069
0