BAQ.kz - Қазақстан жаңалықтары USD 377.11 BAQ.kz - Қазақстан жаңалықтары EUR 424.21 BAQ.kz - Қазақстан жаңалықтары RUB 5.91
استانا:

قازاقستانداعى قارجى پيراميداسىنىڭ نەگىزىن قالاۋشى ماسكەۋدە قاماۋعا الىندى

ماسكەۋدە questra world، a.g.a.m.، forex trend، panteon finance جوبالارىنىڭ اۆتورى پاۆەل كرىموۆ ۇستالدى، دەپ حابارلايدى baq.kz اقپاراتتىق اگەنتتىگى ls سايتىنا سىلتەمە جاساپ.

«questra world» كومپانياسىنىڭ قازاقستانداعى قىزمەتى قارجىلىق پيراميدالار رەتىندە تانىلعان.

رەسەي فەدەراسياسىنىڭ قۇقىق قورعاۋ ورگاندارىنىڭ اقپاراتى بويىنشا، كرىموۆ 2018 جىلدىڭ 6 اقپانىندا شەرەمەتەۆودا ۇستالعان. ونى تەكسەرۋ بارىسىندا رەسەيلىك بيلىك وكىلدەرى قازاقستاننىڭ قىلمىستىق پوليسياسىنىڭ ونى ىزدەپ، ارىپتەستەرىنەن كاسىپكەردى تۇتقىنداۋدى سۇراعانى انىقتالعان.

جابىرلەنۋشىلەردىڭ ايتۋىنشا، سوڭعى جىلدارى قىلمىسكەر 30 ميلليون دوللاردان استام تابىس تاپقان. كرىموۆ قازاقستاننان بولەك، ۋكراينا مەن بەلارۋس اۋماعىندا دا ٴوز جوبالارىن ىسكە اسىرعان. الاياقتىق بويىنشا ۇستالعان كۇدىكتى 2018 جىلدىڭ 17 ناۋرىزىنا دەيىن ماسكەۋدە قاماۋدا بولادى. ايتا كەتۋ كەرەك، جوعارىدا اتالعان مەرزىم اياقتالعانعا دەيىن، كرىموۆتىڭ ٴىسى قازاقستاندىق سوتقا بەرىلۋى مۇمكىن.

سونىمەن قاتار، الماتى قالاسىنىڭ ٴىىد مالىمەتىنشە، ول ٴبىرقاتار ٴىرى الاياقتىق جاساعانى ٴۇشىن كۇدىكتى بولىپ وتىر. جابىرلەنۋشىلەردىڭ سانى ٴقازىردىڭ وزىندە بەسەۋ جانە ولاردىڭ ٴارقايسىسى، قىلمىستىق ٴىستىڭ ماتەريالدارى بويىنشا، الدىن الا جوسپارلانعان الاياقتىقتىڭ اسەرىنەن ۇلكەن جيناقتاردان ايىرىلعان. قىلمىسكەرگە الدانعانداردىڭ ٴبىرىنىڭ ايتۋىنشا، ول 23،5 مىڭ دوللاردى الاياقتىق جولمەن يەمدەنگەن. questra world مەن atlantic global asset management-كە ينۆەستيسيا سالۋعا ۇسىنىس جاساپ، سودان كەيىن جوعالىپ كەتكەن. ال، باسقا جابىرلەنۋشىنىڭ ايتۋى بويىنشا، كاسىپكەر 75 000 اقش دوللارىن زاڭسىز يەمدەنگەن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي