BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازاقستاندا ەكى-اق دارەتحانا الەمدىك ستاندارتقا ساي كەلەدى – ۆيسە-مينيستر

قازاقستاندا ەكى-اق دارەتحانا الەمدىك ستاندارتقا ساي كەلەدى. ولار استاناداعى ن.نازاربايەۆ اۋەجايىنىڭ جاڭا تەرمينالى مەن ەلورداداعى جاڭا تەمىرجول ۆوكزالىندا ورنالاسقان. بۇل تۋرالى بۇگىن قر مادەنيەت جانە سپورت ۆيسە-مينيسترى ەرلان قوجاعاپانوۆ ايتتى، دەپ حابارلايدى baq.kz ٴتىلشىسى.

ۆيسە-مينيستردىڭ ايتۋىنشا، دۇنيەجۇزىلىك تۋريستىك كەڭەس نورماسىنا ساي ٴار 50 شاقىرىم سايىن ٴبىر دارەتحانادان بولۋى ٴتيىس. ٴارى الەمدىك ستاندارتقا ساي بولۋ ٴۇشىن اجەتحانا ساپالى بولۋى كەرەك. وندا مىندەتتى تۇردە ىستىق سۋى بولۋى ٴتيىس.

«ٴبىز جاڭا زاڭ جوباسىندا جول بويىنداعى سەرۆيسكە باسا نازار اۋدارىپ وتىرمىز. ٴبىز قاي جولدى الساق تا ولاردىڭ بويىندا ەشقانداي سەرۆيس جوق. ٴجونى ٴتۇزۋ دارەتحانا جوق. ٴبىز ەرىكتىلەردىڭ كومەگىمەن ەلدەگى بۇكىل اجەتحانانى تەكسەردىك. قازاقستاندا حالىقارالىق ستاندارتقا ساي ەكى اق دارەتحانا بار. بىرەۋى – استاناداعى ن.نازاربايەۆ اۋەجايىنىڭ جاڭادان سالىنعان تەرمينالىندا، ەكىنشىسى – ەلوردادا جاڭادان سالىنعان تەمىرجول ۆوكزالىندا ورنالاسقان. وكىنىشكە وراي، ەلىمىزدە حالىقارالىق نورماعا سايكەس باسقا بىردە-بىر اجەتحانا جوق»، - دەدى قوجاعاپانوۆ.

ۆيسە-مينيستردىڭ مالىمەتىنشە، قازاقستاندا جول بويىنداعى سەرۆيستى كوزدەيتىن kazway جوباسى ٴالى شيكى، وعان ٴقازىر وزگەرىستەر ەنگىزىلىپ جاتىر.

«بۇگىنگى تاڭدا شەتەلدىك تۋريستەر جولدان دارەتحانا تابا المايدى. ال بار اجەتحانالاردىڭ ٴتۇرى ادامدى ۇيالتادى. سول ٴۇشىن ٴبىز جاڭا زاڭدا جانە مەملەكەتتىك باعدارلامادا جول بويىندا تۇرعان مەكەمەلەردى مەملەكەتتىك جەڭىلدىكتەرمەن قامتاماسىز ەتۋ ماسەلەلەرىن قاراستىرامىز. وسى سالادا ەندى بەلسەندى جۇمىس اتقارامىز»، - دەدى ەرلان قوجاعاپانوۆ.

اتاپ وتسەك، بۇگىن ادىلەت مينيسترلىگىندە «قازاقستان رەسپۋبليكاسىنىڭ كەيبىر زاڭنامالىق اكتىلەرىنە تۋريستىك قىزمەت ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىنىڭ تۇجىرىمداماسى قارالعان بولاتىن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي