BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازاقستاندا بيىل 36 مىڭ ادام قىسقا مەرزىمدى كاسىپكەرلىك ٴبىلىم الادى

فوتو: автор

2018 جىلى 36 مىڭ ادامدى تەحنيكالىق جانە كاسىپتىك ٴبىلىم بەرۋ باعىتى بويىنشا قىسقا مەرزىمدى وقۋمەن قامتۋ جوسپارلانعان. بۇل تۋرالى قر ەڭبەك جانە حالىقتى الەۋمەتتىك قورعاۋ مينيسترلىگى حالىقتى جۇمىسپەن قامتۋ جانە ەڭبەك نارىعىن دامىتۋ دەپارتامەنتى ديرەكتورىنىڭ ورىنباسارى ابۋلحاتين ەربولات مالىمدەدى، دەپ حابارلايدى baq.kz ٴتىلشىسى.

مينيسترلىكتىڭ مالىمەتىنە سۇيەنسەك، وسى جىلدىڭ 1 ساۋىرىندەگى دەرەكتەر بويىنشا ناتيجەلى جۇمىسپەن قامتۋ جانە جاپپاي كاسىپكەرلىكتى دامىتۋ باعدارلاماسى اياسىندا 111 مىڭ ادام قامتىلعان. ولاردىڭ 71،9 مىڭى، ياعني 64،6% - جۇمىسسىز. ال، 4،4 مىڭ ادام، ياعني 4% - ٴوزىن-وزى جۇمىسپەن قامتىعاندار. ٴبىرىنشى باعىت بويىنشا تەحنيكالىق جانە كاسىپتىك بىلىممەن جانە قىسقا مەرزىمدى وقۋمەن قامتاماسىز ەتۋ كوزدەلگەن.

«جالپى، بۇل باعدارلاما اياسىندا ٴبىز بۇرىن تەك جاڭا جۇمىس بەرۋشىلەردىڭ سۇرانىسىنا قاراي وقىتتىق. مىسالى، 2016 جىلى رەسپۋبليكا بويىنشا 4 مىڭ ادام وقىتىلدى، سول ادامداردىڭ 90% جۇمىسقا ورنالاستىرىلدى. ەندى قازىرگى باعدارلاما كىشكەنە وزگەشە. سەبەبى، ستاتيستيكالىق مالىمەتتەرگە قارايتىن بولساق، جۇمىسسىزداردىڭ 24% ورتا مەكتەپتىك ٴبىلىمى بار دا، تەحنيكالىق كاسىبي ٴبىلىمى جوق. اۋىلدىق جەرلەردە ونداي ادامدارعا ەشقانداي سۇرانىس بولمايدى. ولاردىڭ سول اۋىلدا مال باعىپ، باسقا ديسترۋكتيۆتىك يدەيالارعا نە بولماسا قىلمىسقا كەتىپ قالۋى مۇمكىن. سوندىقتان، قازىرگى باعدارلامانىڭ ماقساتى - ادامدارعا كاسىبي ٴبىلىم بەرۋ. سوندىقتان 2016 جىلى 4 مىڭ ادامدى وقىتساق، 2017 جىلى 70 مىڭنان استام ادامدى وقىتتىق. ناتيجەسىندە 70 مىڭنان استام ادامنىڭ - 55% جۇمىسقا ورنالاستىرىلدى»، - دەدى ابۋلحاتين ەربولات.

ونىڭ ايتۋىنشا، باعدارلامانىڭ وسى باعىتىمەن بىلتىردان بەرى 20 170 ادام وقىپ جاتىر. ولاردىڭ بارلىعى مەملەكەت تاراپىنان شاكىرتاقىمەن، كۇندەلىكتى ٴبىر رەتتىك ىستىق تاماقپەن جانە جولاقىمەن قامتىلعان.

سونىمەن قاتار، وسى جىلدىڭ ٴى توقسانىنىڭ قورىتىندىسى بويىنشا 9 مىڭنان استام ادام ەڭبەك نارىعىندا سۇرانىسقا يە ماماندىقتاردى يگەرۋ ٴۇشىن قىسقا مەرزىمدى كاسىپتىك وقۋعا جىبەرىلگەن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي