استانا. baq.kz ٴتىلشىسى. قر پارلامەنتى ٴماجىلىسى قازاقستاندىق اسكەرلەردى بىرىككەن ۇلتتار ۇيىمىنىڭ ليۆانداعى ميسسياسىنا قاتىسۋعا مۇمكىندىك بەرەتىن زاڭ جوباسىن ماقۇلدادى.
17069
0 
استانا: 
2161 
0
استانا. baq.kz ٴتىلشىسى. قر پارلامەنتى ٴماجىلىسى قازاقستاندىق اسكەرلەردى بىرىككەن ۇلتتار ۇيىمىنىڭ ليۆانداعى ميسسياسىنا قاتىسۋعا مۇمكىندىك بەرەتىن زاڭ جوباسىن ماقۇلدادى.
بۇگىن پارلامەنتتىڭ تومەنگى پالاتاسىندا «قازاقستان رەسپۋبليكاسىنىڭ ۇكىمەتى مەن ٴۇندىستان رەسپۋبليكاسى ۇكىمەتى اراسىنداعى بىرىككەن ۇلتتار ۇيىمىنىڭ ليۆانداعى ۋاقىتشا كۇشتەرىندەگى ٴۇندىستاندىق باتالون قۇرامىندا قازاقستاندىق بىتىمگەرشىلىك كونتيگەنتتى بىرلەسىپ ورىستەتۋ ٴتارتىبى تۋرالى ٴوزارا تۇسىنىستىك مەموراندۋمىن راتيفيكاسيالاۋ تۋرالى» زاڭ جوباسى قارالدى.
اتالعان قۇجاتتى دەپۋتاتتارعا قورعانىس ۆيسە-مينيسترى تالعات مۇحتاروۆ تانىستىردى.
«قۇجاتپەن بىتىمگەرشىلىك كونتينگەنتتى بىرلەسىپ ورىستەتۋ، ياعني قول باسشىلىق ەتۋ جانە باسقارۋ، قارجىلىق جانە مەديسينالىق قامتاماسىز ەتۋ، ٴارى جەكە قۇرامدى دايارلاۋ ٴتارتىبى ايقىندالعان. قازاقستان قارۋلى كۇشتەرى ليۆاندا 1978 جىلدان باستاپ ورىستەتىلگەن ٴۇندىستاندىق بىتىمگەرشىلىك كونتيگەنتىن قاراماعىنا 120 اسكەري قىزمەتشىدەن تۇراتىن روتانى ۇسىنادى. روتا ميسسياعا قاتىسۋ كەزەڭىندە ٴۇندىستاندىق بولىمشەنىڭ قولباسشىلىعىنا باعىنادى. اسكەرلەر قاجەتتى ۆاكسيناسيادان ٴوتتى»، - دەدى ول.
ونىڭ ايتۋىنشا، قازاقستاندىق اسكەرلەر ٴتيىستى قارۋ-جاراقپەن، وق-دارىمەن جانە ت.ب. قۇرال جابدىقتارمەن قامتاماسىز ەتىلەدى ەكەن.
سونداي-اق ۆيسە-مينيستر ليۆانعا باراتىن اسكەرلەردىڭ الەۋمەتتىك جاعدايىن جاقسارتۋعا باسا ٴمان بەرىلگەنىن جەتكىزدى.
«ميسسياعا قاتىساتىن اسكەري قىزمەتشىلەردى الەۋمەتتىك جاعىنان قامتاماسىز ەتۋ سۇراقتارى قازاقستان زاڭناماسىمەن رەتتەلەدى. ياعني «قر بىتىمگەرشىلىك تۋرالى» زاڭىنا سايكەس اسكەري قىزمەتشىلەر مەملەكەت ەسەبىنەن بىتىمگەرشىلىك وپەراسيالارعا قاتىسۋ كەزەڭىندە ٴۇش ەسەلەنگەن اقشالاي جالاقىمەن، ساناتوريي-كۋرورتتىق ەمدەلۋمەن قامتاماسىز ەتىلەدى. سونىمەن قاتار بىتىمگەرشىلىك وپەراسيالارعا قاتىسۋ كەزەڭىندەگى ولاردىڭ ٴبىر ايلىق قىزمەتى 1،5 اي بولىپ ەسەپتەلىنەدى»، - دەپ ٴتۇسىندىردى تالعات مۇحتاروۆ.
ٴسوز سوڭىندا قورعارىس ٴمينيسترىنىڭ ورىنباسارى بۇۇ باسشىلىعى قازاقستاندىق اسكەرلەردىڭ دايىندىعىنا وڭ باعا بەرگەنىن اتاپ ٴوتتى.
دەپۋتاتتار اتالعان زاڭ جوباسىن قولدادى.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
