ورال، baq.kz. قر قوعامدىق دامۋ ٴمينيسترى دارحان كالەتايەۆ ٴوزىنىڭ باتىس قازاقستان وبلىسىنا جۇمىس ساپارى اياسىندا ورال قالاسىندا ٴوتىپ جاتقان وڭىرلىك ازاماتتىق فورۋمعا قاتىستى.
17068
0 
استانا: 
1902 
0
ورال، baq.kz. قر قوعامدىق دامۋ ٴمينيسترى دارحان كالەتايەۆ ٴوزىنىڭ باتىس قازاقستان وبلىسىنا جۇمىس ساپارى اياسىندا ورال قالاسىندا ٴوتىپ جاتقان وڭىرلىك ازاماتتىق فورۋمعا قاتىستى.
ٴىس-شارانى اشقان دارحان كالەتايەۆ اعىمداعى جىلعى 27-28 قاراشادا مەملەكەت باسشىسىنىڭ قاتىسۋىمەن استانادا وتەتىن قازاقستاننىڭ ازاماتتىق فورۋمى تۋرالى حاباردار ەتىپ، سونداي-اق وڭىردەگى ازاماتتىق قوعام ينستيتۋتتارىن دامىتۋ بويىنشا قابىلدانىپ جاتقان شارالارعا نازار اۋداردى.
مينيستر، قازاقستان رەسپۋبليكاسىنىڭ پرەزيدەنتى ٴوز جولداۋىندا ازاماتتىق قوعاممەن ٴتيىمدى بايلانىس قالىپتاستىرۋ ماسەلەسىن ەرەكشە باعىت رەتىندە بەلگىلەگەنىن اتاپ ٴوتتى.
«سوڭعى كەزدەرى ازاماتتىق قوعام ينستيتۋتتارىنا قاتىستى كەلىپ تۇسەتىن بارلىق ماتەريالداردى قاراي كەلە، ٴبىز جۇمىستى قايتا تۇرلەندىرۋ قاجەتتىگىن كورىپ وتىرمىز. الداعى ازاماتتىق فورۋمنىڭ ماقساتتارىنىڭ ٴبىرى ۇكىمەتتىك ەمەس ۇيىمدار الاڭىن قايتا تۇرلەندىرۋ، تۇتاستاي العاندا ەلدەگى ازاماتتىق قوعامدى دامىتۋ. ٴبىز ازاماتتىق قوعامدى ەلدىڭ دامۋىنا تارتۋدىڭ جاڭا جولدارى بار ەكەنىن كورىپ وتىرمىز»، - دەدى د.كالەتايەۆ.
قر قوعامدىق دامۋ ٴمينيسترى ٴوزىنىڭ ٴىس-ساپارى اياسىندا قوعامدىق كەڭەستەردىڭ قىزمەتىنە ارنالعان رەسپۋبليكالىق كونفەرەنسياعا قاتىستى، وندا قوعامدىق كەڭەستەردىڭ قىزمەتىن جەتىلدىرۋگە باعىتتالعان جوسپارلارىمەن ٴبولىستى.
دارحان كالەتايەۆ مەملەكەتتىك قىزمەتشىلەردىڭ كەڭەس قۇرامىنداعى ۇلەسىن بارىنشا ازايتۋ، ۇەۇ-داردىڭ قاتىسۋىن 90 پايىزعا دەيىن كەڭەيتۋ جوسپارلانىپ وتىرىلعانىن اتاپ ٴوتتى. بۇل رەتتە، ەكونوميكالىق ىنتىماقتاستىق جانە دامۋ ۇيىمىنىڭ سىبايلاس جەمقورلىققا قارسى ٴىس-قيمىل بويىنشا ستامبۋل جوسپارىنىڭ ۇسىنىسىنا سايكەس كەڭەستەر قۇرامىن بەكىتەتىن جۇمىس توپتارىنا مەملەكەتتىك ورگانداردىڭ باسشىلارى ەمەس، ازاماتتىق قوعام وكىلدەرى جەتەكشىلىك ەتەتىنى ايتىلدى.
ٴمينيستردىڭ اقپاراتى بويىنشا، قوعامدىق كەڭەستەردىڭ قىزمەتىنە ادىستەمەلىك جانە الەۋمەتتىك قولداۋ كورسەتۋ جونىندەگى ۋاكىلەتتى ورگاننىڭ فۋنكسيالارىن قوعامدىق دامۋ مينيسترلىگىنە بەكىتۋ ۇسىنىلۋدا. بۇدان بولەك، قوعامدىق كەڭەستەردىڭ قىزمەتى بويىنشا جىل سايىن ۇلتتىق بايانداما شىعارۋ جوسپارلانۋدا.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
