ٴىىد كوكتايعاق كەزىندە ساق بولۋدى ەسكەرتەدى

استانا، baq.kz. استانا قالاسىنىڭ ٴىىد قالا تۇرعىندارى مەن قوناقتارىنا كوكتايعاق كەزىندە جولدا ساق بولۋدى ەسكەرتەدى.

"قىس مەزگىلى كەلىسىمەن كۇن رايىنىڭ سۋىتۋى جانە بىردە جىلى، بىردە سالقىن، قار ارالاس جاۋىن جاۋۋىنا بايلانىستى قالامىزدا اسىرەسە تاڭعى جانە كەشكى مەزگىلدەردە كوكتايعاق بولۋدا. كوكتايعاق كەزىندە جاراقات الىپ قالماۋ جانە تاعى دا باسقا قولايسىز جاعدايلارعا تاپ بولماۋ ماقساتىندا ماماندار جاياۋ جۇرگىنشىلەرگە بىرنەشە ساقتانۋ كەڭەسىن ۇسىنۋدا: ٴار قادامىڭىزدى نىق ٴارى ابايلاپ باسىپ، ساق ٴجۇرىڭىز; كولىك الدىنان جۇگىرىپ وتپەڭىز، اياعىڭىز تايىپ قۇلاپ قالۋىڭىز مۇمكىن. جولدان ٴوتۋ كەزىندە جاياۋ جۇرگىنشىلەرگە ارنالعان ارنايى بەلگى نەمەسە باعدارشاممەن جابدىقتالعان جەرلەرمەن ٴوتىڭىز"، - دەلىنگەن حابارلامادا.

ال، كولىك تىزگىندەگەن جۇرگىزۋشىلەرگە جول قوزعالىسى بارىسىندا وتە سەرگەك بولۋدى جانە قالا ىشىندەگى جولداردا جىلدامدىقتى ساعاتىنا 60 شاقىرىمنان 50 شاقىرىمعا تومەندەتىپ، مۇمكىندىگىنشە باياۋ ٴجۇرۋدى جانە كولىك دوڭگەلەگىن قىستىق دوڭگەلەككە اۋىستىرۋدى ۇسىنادى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!