استانا، baq.kz ٴتىلشىسى. ەلىمىزدە توزىعى جەتكەن اۆتوبۋس پاركى مەن اۋىل شارۋاشىلىعى تەحنيكاسىن جاڭارتۋعا 26 ملرد تەڭگە بولىنەدى.
استانا: 
1658 
0
استانا، baq.kz ٴتىلشىسى. ەلىمىزدە توزىعى جەتكەن اۆتوبۋس پاركى مەن اۋىل شارۋاشىلىعى تەحنيكاسىن جاڭارتۋعا 26 ملرد تەڭگە بولىنەدى.
قر ينۆەستيسيالار جانە دامۋ مينيسترلىگى اۆتوكولىك قۇرالدارى پاركىنىڭ ەسكىرگەن تەحنيكالارىن جاڭعىرتۋدىڭ كەشەندى جوسپارى اياسىندا اۆتوبۋستار، كومبايندار مەن تراكتورلاردى جالعا العان زاڭدى تۇلعالاردى جانە جەكە كاسىپكەرلەردى قارجىلاندىرۋ ٴۇشىن اقشا بولەدى. باعدارلامانى «قدب-ليزينگ» اق جۇزەگە اسىرادى.
«بۇگىنگى كۇنى ەلىمىزدىڭ اۆتوبۋس پاركىنىڭ 65%-ى 7 جىلدان اسقان اۆتوبۋستاردان تۇرادى. اۋىلشارۋاشىلىق تەحنيكالار پاركىنىڭ توزۋى كۇردەلى دەڭگەيگە جەتتى: تراكتورلار 86%، كومبايندار 72%-كە ەسكىرگەن. العاشقى ەكى جىلدا شامامەن 700 اۆتوبۋس، تراكتور مەن كومبايندى جاڭارتۋ جوسپارلانىپ وتىر»، - دەلىنگەن قازاقستاندىق اۆتوبيزنەس قاۋىمداستىعى تاراتقان حابارلامادا.
اتالعان باعدارلاما اياسىندا الداعى 5 جىلدا 1000-نان استام تەحنيكانى جاڭارتۋ جوسپارلانىپ وتىر.
باستاپقى جارنا 15%-دان، ليزينگ مەرزىمى 7 جىلعا دەيىن. سونداي-اق، 6 ايعا دەيىن جەڭىلدىك مەرزىمى قاراستىرىلعان.
«باعدارلاما اياسىندا بارلىعى 26 ملرد تەڭگە كولەمىندە قارجى بولىنەدى. ونىن ىشىندە 13 ملرد تەڭگە بيۋدجەت ەسەبىنەن بولسا، قالعان 50% كوممەرسيالىق قارجىلاندىرۋ ەسەبىنەن. اتالعان سوما «قدب-ليزينگ» اق ارقىلى قازاقستاندا وندىرىلگەن وتاندىق ٴوندىرىستى قايتارىمدى نەگىزدە قارجىلاندىرۋعا مۇمكىندىك بەرەدى. اتاپ ايتقاندا، 6 ملرد تەڭگە ەكونوميكانىڭ اگروونەركاسىپ سەكتورىنىڭ سۋبەكتىلەرىنە بولىنسە، 20 ملرد تەڭگە وتاندىق اۆتوبۋستارعا ارنالعان»، - دەلىنگەن حابارلامادا.
باعدارلاما اياسىندا قارىز اۋىلشارۋاشىلىق تەحنيكالارى مەن اۆتوبۋستاردى وندىرەتىن «سارىارقااۆتوپروم» جشس، «اگروماشحولدينگ kz» اق، «كومباين زاۋىتى «ۆەكتور» اق، «سەماز» جشس، hyundai trans auto مەن daewoo bus kazakhstan كاسىپورىندارىنا بەرىلەدى.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
17088
0