ەرتىس ٴوڭىرىنىڭ مەملەكەتتىك قىزمەتشىلەرىنە سىيلىق بەرۋ وقيعالارى ازايدى

پاۆلودار، baq.kz ٴتىلشى. بۇل تۋرالى مەملەكەتتىك قىزمەت ىستەرى جانە سىبايلاس جەمقورلىققا قارسى اگەنتتىگىنىڭ وبلىستاعى وكىلدەرى حابارلادى.

ۆەدومستۆو جانىنداعى ارنايى مونيتورينگ توبىنىڭ ٴتوراعاسى قوبلانبەك ٴقوجيننىڭ مالىمەتىنشە، وتكەن جىلعى 9 اي ىشىندە 15 ادام جاۋاپكەرشىلىككە تارتىلدى جانە 11 ملن تەڭگەدەن استام سوماعا ايىپپۇل تولەندى. ال بيىلعى جىلدىڭ باسىنان بەرى مەملەكەتتىك قىزمەتشىلەر ٴوز ەركىمەن 21 سىيلىقتى قايتا تاپسىردى، وتكەن جىلعى ۇقساس كەزەڭدە نە ٴبارى ٴتورت سىيلىق تاپسىرىلعان بولاتىن.

«قۇپيا ساتىپ الۋشى» جولى ارقىلى مەملەكەتتىك قىزمەتتىڭ ساپالى كورسەتىلۋىن باقىلادىق. سونىمەن قاتار، اكىمشىلىك توسقاۋىلداردى جويۋ، اقپاراتتىق-پروفيلاكتيكالىق جۇمىس وڭ ناتيجە بەردى. جىل باسىنان بەرى پاۆلودار وبلىسىندا اكىمشىلىك قۇقىق بۇزۋشىلىق جاساعانى ٴۇشىن ٴتورت ادامعا شامامەن 1،3 ملن. تەڭگەنىڭ ايىپپ ۇلى سالىندى»، - دەيدى قوبلانبەك قوجين.

ماسەلەن، الەۋمەتتىك تولەمدەردىڭ ۆەدومستۆوارالىق ەسەپتەۋ ورتالىعى دەپاراتامەنتى باسشىسىنىڭ بۇرىنعى ورىنباسارى ٴبىر قوراپ كامپيت جانە ٴبىر ليتر مەديسينالىق ٴسپيرتتى العانى ٴۇشىن 300 اەك مولشەرىندە ايىپپۇل تولەۋگە ٴماجبۇر بولدى. مەملەكەتتىك قىزمەتكەردىڭ ۇيالى تەلەفونىنا بىرلىك سالۋ وقيعاسى دا تىركەلگەن.

«وسى جىلدىڭ قاڭتارىندا بۇرىن سوتتالعان ادام پروباسيالىق باقىلاۋدا بولا تۇرا، پاۆلودار قالاسىنىڭ پروباسيا قىزمەتى ينسپەكتورىنىڭ ۇيالى تەلەفونىنا 1000 تەڭگە سوماسىنا تەڭگەرىم تولتىرعان. قارجىلاي قاراجات پروباسيا قىزمەتىندە بەلگىلەۋدەن وتپەۋ ٴۇشىن اۋدارىلعان. مەملەكەتتىك قىزمەت اگەنتتىگىنىڭ دەپارتامەنتى حاتتاما جاساپ، اكىمشىلىك سوت 336 700 تەڭگە كولەمىندە ايىپپۇل سالدى»، - دەيدى قوبلانبەك قوجين.

وسى باعىتتاعى تەكسەرىس جۇمىستارى جالعاسىن تابا بەرمەك.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!