BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەرلان بىلالگە قاتىستى سوت ۇكىمى شىقتى

مۇحتار اۋەزوۆ اتىنداعى قازاق دراما تەاترىنىڭ ديرەكتورى ەرلان بىلالگە قاتىستى سوت ۇكىمى شىقتى، دەپ حابارلايدى ۆaq.kz اقپارات اگەنتتىگى تengrinews.kz باسىلىمىنا سىلتەمە جاساپ.

الماتىنىڭ المالى اۋداندىق سوتىندا قر ەڭبەك سىڭىرگەن قايراتكەرى ەرلان بىلالگە قاتىستى سوت ۇكىمى شىعارىلدى.

"سوت ەرلان ٴبىلالدى قر قىلمىستىق كودەكسىنىڭ 24-بابىنىڭ 3-بولىگى جانە 366-بابى بويىنشا ايىپتى دەپ تانىپ، 52 500 000 تەڭگە كولەمىندە ايىپپۇل سالۋ تۋرالى ۇكىم شىعارادى"، - دەپ وقىدى ۇكىمدى سۋديا.

سونداي-اق، سوت ٴبىلالدى مەملەكەتتىك قىزمەتتەرگە ورنالاسۋ قۇقىعىنان ٴومىر بويىنا ايىردى. مۇنىمەن قاتار، سۋديا سوتتالۋشىنىڭ "قازاقستاننىڭ ەڭبەك سىڭىرگەن قايراتكەرى" اتاعىنان ايىرۋ تۋرالى ۇسىنىس جولداناتىنىن مالىمدەدى.

وعان قر قىلمىستىق كودەكسىنىڭ 24-بابىنىڭ 3-بولىگى جانە 366-بابىنىڭ 2-بولىگى "پارا الۋعا وقتالۋ" بويىنشا ايىپ تاعىلدى. سوتقا دەيىنگى تەرگەۋ ورگانىنىڭ مالىمەتى بويىنشا، ٴبىلال "سەزام" قوعامدىق قايىرىمدىلىق شىعارماشىلىق قورىنىڭ پرەزيدەنتى قايرات بايانوۆتان اۋەزوۆ تەاترىنىڭ قابىرعاسىندا جاڭاجىلدىق قويىلىمدار قويۋ ٴۇشىن 1،5 ميلليون تەڭگە پارا الماق بولعان. سوتتا سۋديا قۋانىش ٴارىپوۆ تورەلىك ەتتى. مۇنىڭ الدىندا ەرلان ٴبىلال قىلمىسىن مويىنداعان بولاتىن.

"سىياقى تۋرالى كەلىستىك، سوسىن 2 قاڭتاردا كەزدەسىپ، ول ماعان 600 مىڭ تەڭگە بەردى. ەكىنشى رەت 4 قاڭتاردا 900 مىڭ تەڭگە بەردى دە، مەن سول كۇنى ۇستالدىم. كىنامدى تولىق مويىندايمىن، وكىنىش بىلدىرەمىن. باسىندا بايانوۆ ماعان ٴوزى ۇسىنعان. بىزدە جىلدا شىرشالار، قويىلىمدار وتەدى. ٴوزى كەلدى. قازاقشا ايتقاندا ريزالىعىن ٴبىلدىرۋ ٴۇشىن. باسىندا سومانى دا ٴوزى ايتقان بولاتىن. 600 مىڭدى قايدا جاراتقانىم ەسىمدە جوق، قارىزدارىمدى قايتارىپ جۇرگەنمىن. ەشكىم قىسىم جاساعان جوق، كىنامدى ٴوزىم مويىندادىم"، - دەگەن ەدى ەرلان ٴبىلال سوت وتىرىسى كەزىندە.

ايتا كەتەيىك، ەرلان ٴبىلالدىڭ ادۆوكاتى ٴىستىڭ باق وكىلدەرىنىڭ قاتىسۋىنسىز ٴوتۋىن سۇراعان ەدى. سۋديا تاراپتار پىكىرىن تىڭداپ، اۋديوجازباعا، سۋرەتكە جانە ۆيدەوعا تۇسىرۋگە تىيىم سالدى. مۇنىڭ الدىندا سوت ەرلان ٴبىلالدى كەپىلمەن بوساتقان ەدى. ول 1 ميلليون 205 مىڭ تەڭگە كولەمىندە كەپىل سوماسىن بەردى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي