ەرەكشە ادامدارعا ارنالعان تاكسي

استانا، baq.kz. ينۆاتاكسي قىزمەتى ٴبىرىنشى كەزەكتە مۇمكىندىگى شەكتەۋلى جۇمىس ىستەيتىن جانە وقيتىن ادامدارعا ۇسىنىلادى، دەپ حابارلايدى ەلوردا اكىمدىگىنىڭ رەسمي سايتى.

استانا قالاسى جۇمىسپەن قامتۋ جانە الەۋمەتتىك قورعاۋ باسقارماسىنا سىلتەمە جاساپ. استانادا ەرەكشە كۇتىمدەگى ادامداردىڭ جايلى قوزعالىسى مەن قالالىق ورتانىڭ قولجەتىمدى بولۋ ماسەلەسىن شەشۋ ماقساتىندا «ينۆاتاكسي» قىزمەتى ۇيىمداستىرىلدى.

«دسپ دياگنوزى بار كوپتەگەن بالالار ٴۇشىن، تىرەك-قيمىل قوزعالىسى بۇزىلعان ەرەسەك، اياق-قولى جوق ادامدار مەن كوزى ناشار كورەتىندەر ٴۇشىن قىزمەتتىڭ بۇل ٴتۇرى تۇيىق شەڭبەردەن شىعۋدىڭ جاقسى قۇرالىنا اينالدى»، - دەلىنگەن حابارلامادا. ينۆاتاكسي قىزمەتى جۇمىس ىستەيتىن جانە وقيتىن مۇگەدەكتەرگە كەستەگە سايكەس ۇسىنىلادى.

انىقتاما تەلەفوندارى: 48-19-66، 46-86-57، 37-05-59، 55-69-63، 55-68-47.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!