BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەندى «سەرگەك» ارقىلى جازىلعان ايىپپۇلدى ونلاين تەكسەرۋگە بولادى

فوتو: Колёса

استانادا «سەرگەك» بەينەباقىلاۋ جۇيەسى ارقىلى جازىلىپ قالعان جانە تولەنبەگەن اكىمشىلىك ايىپپۇلدى بىلۋگە بولاتىن چات-بوت ىسكە قوسىلدى، دەپ حابارلايدى baq.kz اقپارات اگەنتتىگى ەلوردا اكىمدىگىنىڭ مەديا ورتالىعىنا سىلتەمە جاساپ.

چات-بوتتى قولدانۋ ٴۇشىن telegram-مەسسەندجەردەن @smartastana_bot-تى تاۋىپ الىپ قوسىلساڭىز جەتىپ جاتىر.

چات-بوت سىزگە ەسىمىڭىز بەن ٴتىلدى تاڭداۋدى ۇسىنادى، سوسىن پايدالانۋشىعا قىزمەت كورسەتۋ ٴتىزىمى، باپتاۋ، بوت تۋرالى اقپارات ٴمازىرىن ۇسىنادى.

اكىمشىلىك ايىپپۇلدىڭ تولەنبەگەنىن ٴبىلۋ ٴۇشىن الدىمەن «قىزمەت كورسەتۋ» ٴمازىرىن تاڭداۋىڭىز قاجەت، ودان كەيىن «اكىمشىلىك ايىپپۇلدى تەكسەرۋگە» كىرىپ، جسن (يين) ەنگىزەسىز. چات-بوت سىزگە باس پروكۋراتۋرانىڭ ارنايى ەسەبى مەن قۇقىقتىق ستاتيستيكا جونىندەگى كوميتەتىنىڭ بازالىق اقپاراتىنان ايىپپۇلدىڭ بار-جوعىن تەكسەرىپ بەرەدى. ەگەر بار بولعان جاعدايدا اقپاراتتى شىعارىپ، كۇنى مەن ايىپپۇلدىڭ كولەمىن كورسەتەدى جانە ٴارى قاراي قالاي تولەۋ كەرەكتىگى تۋرالى تولىق تۇسىندىرەدى.

بۇدان باسقا، چات-بوت ٴوز ەمحاناڭدى دا تابۋ قىزمەتىن ۇسىنادى ياعني مەديسينالىق مەكەمەگە تىركەلۋ جانە «109» كەزەكشى قىزمەتىنە دە كوممۋنالدىق سۇراقتار بويىنشا ٴوتىنىشتى جولداپ، ونىڭ ورىندالۋىن باقىلاۋعا، ورىنداۋشىلاردىڭ جۇمىسىن باعالاۋعا مۇمكىندىك بەرەدى.

الداعى ۋاقىتتا سەرۆيستىك ٴتىزىم: مەكتەپتەگى ٴ1-شى، ٴ2-شى اۋىسىمداعى وقۋدىڭ كەيىنگە قالدىرىلعانى تۋرالى حابارلاندىرۋ مەن اۋا رايىنا بايلانىستى اۆتوكولىك قوزعالىسىنىڭ شەكتەلگەنى تۋرالى، پوشتادان جونەلتىلگەنى تۋرالى اقپاراتتى تەكسەرۋ سياقتى قىزمەت تۇرلەرىمەن تولىعا تۇسپەك.

قازىرگى تاڭدا تelegram مەسسەندجەرى ٴۇشىن چات-بوت ىسكە قوسىلىپ، https://t.me/smartastana_bot سىلتەمەسى بويىنشا قولجەتىمدى بولىپ تۇر، سونداي-اق facebook پەن skype جەلىسىندە دە چات-بوتتى ازىرلەۋ جۇمىستارى جۇرگىزىلىپ جاتىر.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي