ەڭبەك جانە xالىقتى الەۋمەتتىك قورعاۋ مينيسترلىگى ەلباسىنىڭ سىنىنا جاۋاپ بەردى  - قوعام|11 قاڭتار 2018، 14:35
BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەڭبەك جانە xالىقتى الەۋمەتتىك قورعاۋ مينيسترلىگى ەلباسىنىڭ سىنىنا جاۋاپ بەردى 

قر پرەزيدەنتى نۇرسۇلتان نازاربايەۆ كەزەكتى جولداۋىندا ەڭبەك جانە xالىقتى الەۋمەتتىك قورعاۋ مينيسترلىگىنىڭ جۇمىسىن سىنعا الدى. سەبەبى ەلباسى مينيسترلىككە ٴوزىن-وزى جۇمىسپەن قامتىعاندار ماسەلەسىن قاراستىرۋ جونىندە بىرنەشە رەت تالاپ قويعان، دەپ xابارلايدى baq.kz ٴتىلشىسى.

“ەلباسى ٴوز جولداۋىندا ٴبىزدىڭ مينيسترلىك جۇمىسىن قاتتى سىنعا الدى. مينيسترلىك بۇل سىندى تولىعىمەن مويىندايدى. پرەزيدەنت ٴسوزىنىڭ نەگىزى بار”، - دەدى قر ەڭبەك جانە xالىقتى الەۋمەتتىك قورعاۋ ۆيسە-مينيسترى سۆەتلانا جاقىپوۆا.

مينيسترلىك باسقا دا مەملەكەتتىك ورگاندارمەن بىرگە 2017 جىلى ساۋىردە xالىقتىڭ مارتەبەسىن انىقتاۋ ماقساتىندا ۇلكەن جۇمىس اتقارعانىن اتاپ ٴوتتى. ونىڭ ايتۋىنشا 5،7 ملن قازاقتاندىقتىڭ نەمەن اينالىساتىنى انىقتالماعان.

“بىلتىر ساۋىردە بارلىق مەملەكەتتىك ورگاندارمەن بىرلەسە قازاقستان ازاماتتارىنىڭ زەينەتاقى جارناسىنا اقشا اۋدارا ما، جەكە كاسىپكەر مە، ستۋدەنت پە، رەسپۋبليكالىق بيۋدجەتتەن الەۋمەتتىك تولەمدەر الا ما، وسىلار تۋرالى زەرتتەگەندە، 18 ميلليون xالىقتىڭ ىشىندە 5 ميلليون 661 مىڭ ادامنىڭ الەۋمەتتىك مارتەبەسى جوق بولىپ شىقتى. سول ۋاقىتتان باستاپ (1. 04. 2017) قازىرگە دەيىن 2،5 ميلليون ادامنىڭ مارتەبەسىن تىركەدىك. كورسەتكىش كوڭىل كونشىتپەيدى، ارينە. تاعى 3،2 ملن ادام قالدى. ولار كىمدەر؟ جەكە-جەكە توقتالۋدى ٴجون كورىپ وتىرمىن. 504 مىڭ ادام باسقا وڭىرلەرگە نە شەتەلدە جۇرگەندەر. ولار ۇيىندە بولماي شىقتى. ال 363 مىڭ ادامنىڭ ناقتى كوشىپ كەتكەنى انىقتالدى. 123 مىڭ وزدەرىنىڭ ستۋدەنت ەكەنىن مالىمدەگەنىمەن، ولار تۋرالى ٴبىلىم جانە عىلىم مينيسترلىگىندە اقپارت جوق. 17،5 مىڭ ادامدى قايتىس بولدى دەپ تۋىستارى مەن كورشىلەرى xابارلادى”، - دەدى قر ەڭبەك جانە xالىقتى الەۋمەتتىك قورعاۋ ۆيسە-مينيسترى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي