enbek پورتالىنداعى جۇمىس ورنىنىڭ 36،5% ەلەكتروندى تۇردە كەلىپ ٴتۇستى

فوتو: ашық дереккөзден

استانا، baq.kz. جۇمىسپەن قامتۋ ورتالىقتارىنا ۇسىنىلعان بوس جۇمىس ورىندارىنىڭ 36،5% www.enbek.kz. پورتالى ارقىلى ەلەكتروندى تۇردە كەلىپ ٴتۇستى. «ەڭبەك رەسۋرستارىن دامىتۋ ورتالىعى» اق وتكىزگەن ەڭبەك نارىعىنداعى جاعدايدىڭ مونيتورينگى بويىنشا 2018 جىلدىڭ 9 ايىنداعى قورىتىندىسى وسىنداي.

قر «حالىقتى جۇمىسپەن قامتۋ» زاڭىنا ەنگىزىلگەن وزگەرىستەرگە سايكەس، جۇمىس بەرۋشىلەر ٴۇشىن جاڭا كوپارنالى ٴتارتىپ ەنگىزىلدى. جۇمىس بەرۋشى جۇمىسپەن قامتۋ ورتالىقتارىنا تىكەلەي بارىپ جاتپاي-اق، enbek.kz. پورتالى ارقىلى ەلەكتروندى تۇردە ورتالىقتارعا جۇمىس ورنى تۋرالى مالىمەتتى بەرە الادى.

«سيفرلىق قازاقستان» مەملەكەتتىك باعدارلاماسىن جۇزەگە اسىرۋ اياسىندا قر ەڭبەك جانە حالىقتى الەۋمەتتىك قورعاۋ مينيسترلىگى جەرگىلىكتى اتقارۋشى ورگاندارمەن جانە «زەردە» ۇاكح» اق بىرلەسە وتىرىپ، ەڭبەك نارىعىن جانە الەۋمەتتىك سالانى سيفرلاندىرۋ بويىنشا 17 ايماقتىق جول كارتاسىن بەكىتتى.

ايتا كەتەيىك، اتالعان جول كارتالارى بويىنشا ەلىمىزدىڭ بارلىق ايماعى ٴۇشىن ەڭبەك بيرجاسىنا جۇمىس ىزدەۋشىلەر مەن كاسىپورىنداردى تارتۋدىڭ ناقتى ينديكاتورلارى انىقتالدى. 2018 جىلدىڭ سوڭىنا دەيىن 15 مىڭ جاڭا جۇمىس بەرۋشىنى تارتۋ كوزدەلىپ وتىر.

«190 جۇمىسپەن قامتۋ ورتالىعى نەمەسە جۇمىسقا تۇرۋ بارىسىندا جۇمىس ىزدەۋشىلەردىڭ 95 پايىزى enbek. پورتالىنىڭ كومەگىنە جۇگىنەدى. ەلىمىزدە جۇمىسپەن قامتىلعان 294،5 مىڭ ادامنىڭ 21،3 پايىزى enbek.پورتالىنىڭ كومەگىمەن جۇمىسقا تۇردى. رەسپۋبليكا بويىنشا جۇمىسپەن قامتۋ مىنا ايماقتاردا تومەن: اقمولا (19،9%)، اقتوبە (15،4%)، اتىراۋ (13،1%)، قوستاناي (18،6%)، قىزىلوردا (17،6%)، ماڭعىستاۋ (16،1%)، تۇركىستان (11،7%)، شىعىس -قازاقستان (2،4%) وبلىستارىندا جانە شىمكەنت قالاسىندا (16،5%)»، - دەلىنگەن حابارلامادا.

سونىمەن قاتار، ەلىمىزدە 10 جۇمىسپەن قامتۋ ورتالىعىندا جۇمىسپەن قامتۋ بارىسىندا enbek پورتالى قولدانىلمايدى. ولار بەينەۋ، ماڭعىستاۋ، ٴتۇپقاراعان اۋدانى (ماڭعىستاۋ وبلىسى)، ماقتارالى اۋدانى ( تۇركىستان وبلىسى)، اباي، بەسقاراعاي، كوكپەكتى، تارباعاتاي، ۇلان، شەمونايحين اۋداندارى (شىعىس-قازاقستان وبلىسى).

رەسپۋبليكالىق دەڭگەيدەن تومەن كورسەتكىشتەگى ايماقتار: اقتوبە (26،4%)، باتىس-قازاقستان (29،9%)، قاراعاندى (26،9%)، قىزىلوردا (34،1%)، تۇركىستان (17،7%)، سولتۇستىك-قازاقستان (31،1%)، شىعىس-قازاقستان (17،0%) وبلىستارى جانە الماتى قالاسى (17،9%).

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!