استانا: 
2397 
0
استانا، baq.kz ٴتىلشىسى. بۇگىن مەملەكەتتىك قىزمەت ىستەرى جəنە سىبايلاس جەمقورلىققا قارسى ٴىس - قيمىل اگەنتتىگىندە "سيفرلىق اگەنت" ٴموبيلدى قوسىمشاسى مەن استانانىڭ قوعامدىق باقىلاۋ ينتەراكتيۆتى كارتاسى تانىستىرىلدى. ەكى تەحنولوگيا دا سىبايلاس جەمقورلىقپەن كۇرەسۋگە باعىتتالعان.
ٴموبيلدى قوسىمشا قازاقستاندىقتارعا حقكو، سالىق ورگاندارى، ەمحانالار مەن باسقا مەملەكەتتىك مەكەمەلەردىڭ قىزمەت كورسەتۋ ساپاسى تۋرالى اگەنتىككە ونلاين رەجيمدە اقپارات بەرۋگە مۇمكىندىك بەرەدى. ٴموبيلدى قوسىمشا ٴ1-شى قاراشادا تولىعىمەن ىسكە قوسىلادى.
سونداي-اق، بۇگىن استانانىڭ قوعامدىق باقىلاۋ ينتەراكتيۆتى كارتاسى تانىستىرىلدى. ول كەز كەلگەن ەلوردا تۇرعىنىنا بيۋدجەت قارجىسىنىڭ شىعىندالۋىن ۇساق-تۇيەك كىرىس-شىعىسقا دەيىن باقىلاۋعا مۇمكىندىك بەرەدى. كارتاعا مەملەكەتتىك قارجى بولىنەتىن بارلىق مەكەمەلەر، جولدار مەن ت. ب. ەنگىزىلەدى. ولاردىڭ قارجىلىق وپەراسيالارى مەن بارلىق قۇجاتتارى نازارعا ۇسىنىلادى.
بۇعان قوسا، ازاماتتارعا قانداي دا ٴبىر زاڭ بۇزۋشىلىق انىقتالعان جاعدايدا بۇل تۋرالى اگەنتىككە جەدەل تۇردە حابارلاۋ مۇمكىندىگى بەرىلگەن. اتالعان كارتا كەلەسى جىلدان باستاپ ەلىمىزدىڭ بارلىق قالالارىندا ەنگىزىلەدى، ال قازىرگى استانانىڭ ينتەراكتيۆتى كارتاسى ٴəلى دە مەكەمەلەرمەن، اقپاراتپەن تولىعا تۇسەدى.
"سىبايلاس جەمقورلىققا قارسى كۇرەس ينتەراكتيۆتى كارتاسىن نيدەرلاندى ەلشىلىگىنىڭ قارجىلاندىرۋىمەن جۇزەگە اسىرىپ وتىرمىز. كارتانىڭ تۇجىرىمداماسىن جارتى جىلداي دايىندادىق. ەندى مىنە ىسكە قوسىپ وتىرمىز. كارتا بىرنەشە ماقساتتى كوزدەيدى. بۇل ينتەراكتيۆتى كارتا بويىنشا بيۋدجەتتىڭ قالاي پايدالانىلاتىنىن كورۋگە بولادى. ول زاڭ بۇزۋشىلىقتاردى دالەلدەيدى، سونداي-اق، قازاقستاننىڭ قاراپايىم ازاماتتارىنا بيۋدجەتكە مونيتورينگ جاساۋعا مۇمكىندىك بەرەدى"، - دەدى قوعام قايراتكەرى زəۋرەش باتالوۆا.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
قىمبات ەلتايقىزى 
17084
0