BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەلوردادا مەكتەپتەرگە ازىق-تۇلىك جەتكىزۋشىلەرمەن كەلىسىم شارت ۇزارتىلمايدى

استانا، baq.kz ٴتىلشىسى. 2019 جىلدان باستاپ مەكتەپ اسحانالارىن ازىق-تۇلىكپەن قامتاماسىز ەتەتىن ٴبىرقاتار تاسىمالداۋشىمەن كەلىسىم شارت ۇزارتىلمايدى. بۇل تۋرالى استانا قالاسىنىڭ ٴبىلىم باسقارماسىنىڭ باسشىسى ٴانۋار جانعوزين ٴمالىم ەتتى.

ونىڭ ايتۋىنشا، قوعامدىق دەنساۋلىق ساقتاۋ دەپارتامەنتى مەن ۆەدومستۆوارالىق ساراپتاما توبى ٴتيىستى تەكسەرۋ جۇمىستارىن جۇرگىزۋ ناتيجەسىندە 14 مەكتەپتە تاسىمالداۋشىلارمەن كەلىسىمشارتتى ۇزارتپاۋ تۋرالى شەشىمگە كەلگەن.

«جاقىندا جاڭا تاسىمالداۋشىلاردى انىقتاۋ ٴۇشىن كونكۋرس وتكىزىلەدى. وسىنداي جۇمىستار تاعى 27 مەكتەپتە جۇرگىزىلىپ جاتىر. قوعامدىق دەنساۋلىق ساقتاۋ دەپارتامەنتىمەن بىرگە تەكسەرۋلەر جۇرگىزىلىپ، ول مەكتەپتەرگە ٴبىرقاتار ەسكەرتۋ جاسالدى. ەندى ول ٴبىلىم بەرۋ مەكەمەلەرىنە قاتىستى ٴقازىردىڭ وزىندە تاسىمالداۋشىلارمەن كەلىسىم-شارتتاردى ۇزارتپاۋ تۋرالى شەشىم قابىلدانعالى جاتىر. ول مەكتەپتەر جاڭا جىلدان باستاپ جاڭا تاسىماۋلداۋشىلاردى ىزدەيدى»، - دەيدى ٴانۋار جانعوزين استانا اكىمدىگىنىڭ ٴباسپاسوز ورتالىعىندا وتكەن بريفينگتە.

وسى ورايدا ول مەكتەپ اسحانالارىن تەكسەرۋ جۇمىستارى ەڭ الدىمەن، اتا-انالار كەڭەسى مەن قالا تۇرعىندارىنىڭ قولداۋىمەن جۇزەگە اسىرىلعانىن جەتكىزدى. ناتيجەسىندە قۇقىق بۇزۋشىلىقتار انىقتالىپ، قالالىق باسقارما قانداي باعىتتا جۇمىس ىستەۋ كەرەكتىگىن ايقىنداعان.

«ازىق-تۇلىك ونىمدەرىن تاسىمالداۋشىلاردى انىقتاۋ جۇمىسىن رەتتەيتىن قر ٴبىلىم جانە عىلىم مينيسترلىگىنىڭ №717 بۇيرىعىنا وزگەرىستەر ەنگىزىلدى. جاقىن ارادا ول بۇيرىقتىڭ رەسمي تۇردە جاريالانۋىن كۇتىپ وتىرمىز. جاڭارتىلعان ٴتارتىپ بويىنشا، ٴبىز بۇرىنعىداي ٴار مەكتەپ جانە ٴار ديرەكتور بولەك-بولەك كونكۋرس جاريالاعان امال-ادىستەن باس تارتتىق. جاڭا ەرەجەلەرگە سايكەس، بايقاۋ ورتالىقتاندىرىلعان تارتىپتە جاريالانادى. ياعني، بىرنەشە مەكتەپتى لوتتارعا بىرىكتىرۋگە بولادى. ناتيجەسىندە باسەكەگە قابىلەتتى تاسىمالداۋشىلار ايقىندالادى. جاڭا ەرەجەلەر سونداي-اق ٴمجا ارقىلى باسەكەلەستىكتى جۇزەگە اسىرۋ مۇمكىندىگىن بەلگىلەدى. كەيىنىرەك وسى مەكتەپتەر ٴۇشىن بالالاردى تاماقتاندىرۋ ورتالىقتاندىرىلعان تاماق كومبيناتى ارقىلى جۇزەگە اسىرىلادى »، - دەدى دەپارتامەنت باسشىسى.

ايتا كەتەيىك، وسىعان دەيىن استانا مەكتەپتەرىندە اس ٴمازىرى وزگەرەتىنىن حابارلاعانبىز.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي