«ەلوردا جاستارى پرەمياسى» بايقاۋى باستالدى

استانادا، baq.kz ٴتىلشىسى. استانا اكىمدىگىندە «ەلوردا جاستار پرەمياسى» بايقاۋىنىڭ باستالۋىنا ارنالعان بريفينگ ٴوتتى.

استانا اكىمدىگىنىڭ رەسمي سايتىنىڭ مالىمەتىنشە وتىنىشتەردى قابىلداۋ 1 قاراشاعا دەيىن جالعاسادى. «رۋحاني جاڭعىرۋ» باعدارلاماسىنىڭ شەڭبەرىندە وتەتىن شارانىڭ ماقساتى – تالانتتى جاستاردى مەملەكەتتىك دەڭگەيدە عىلىمي، شىعارماشىلىق جانە قوعامدىق قىزمەتتە قولداۋ جانە جاستار ۇەۇ اراسىندا بىرلەسىپ ارەكەت جاساۋ، تابىستى جاس قازاقستاندىقتار يدەالىن قالىپتاستىرۋ.

پرەمياعا استانا تۇرعىنى، قازاقستان رەسپۋبليكاسىنىڭ 14 پەن 29 جاس ارالىعىنداعى ازاماتتارى قاتىسا الادى. سونداي-اق قاتىسۋشىنىڭ ٴتۇرلى سالادا كورنەكتى جەتىستىكتەرى بولۋى كەرەك. بيىل جالپى نوميناسيا سانى 20-عا دەيىن ۇلعايتىلدى. ونىڭ اراسىندا: عىلىم، زاماناۋي شىعارماشىلىق، جۋرناليستيكا، قوعامدىق قىزمەت، سپورت، تەاتر، كينوفەستيۆال، ەسترادا، ۇەۇ (جاستار ساياساتى سالاسىنداعى). سونىمەن قاتار الەۋمەتتىك جانە ونەر سالاسىنداعى جۇمىسشى، ۇزدىك ونەركاسىپ جۇمىسشىسى، جىل ستۋدەنتى، جىل ۆولونتەرى، ۇزدىك مەملەكەتتىك قىزمەتكەر، ونەرگە قوسقان ۇلەسى ٴۇشىن جىل جاڭالىعى، جاس كاسىپكەر، ۇزدىك smm-مەنەدجەر يەگەرلەرى انىقتالاتىن بولادى.

ۇيىمداستىرۋشىلاردىڭ ايتۋىنشا، بايقاۋ زاماناۋي قازاقستاننىڭ بەينەسىن ارى قاراي قالىپتاستىراتىن جاس قازاقستاندىقتاردى كورۋگە كومەكتەسەدى.

«جاستار بايقاۋىنىڭ نەگىزگى ماقساتى – ٴوز سالاسىنداعى ۇزدىكتەردى انىقتاۋ. وتكەن جىلى «جىل ستۋدەنتىنە» ەڭ تالانتتى ستۋدەنتتەر باق تالاسقاندىقتان، جەڭىمپازدى انىقتاۋ قيىنعا ٴتۇستى. سول سەبەپتى ٴبىز وسى جىلى قوعامدىق ونلاين داۋىس بەرۋدى قوستىق. ياعني كانديداتتاردى ىرىكتەگەننەن سوڭ ٴبىز ونلاين-داۋىس بەرۋدى جاريالايمىز. وندا كەز-كەلگەن ادام قاتىسۋشىعا داۋىس بەرە الادى»، - دەدى «استانا جاستارى» كمم باسشىسى ۇكىباي نۇرپەيىسوۆ.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!