BAQ.kz - Қазақстан жаңалықтары USD 379.86 BAQ.kz - Қазақстан жаңалықтары EUR 425.14 BAQ.kz - Қазақстан жаңалықтары RUB 5.9
استانا:

ەلىمىزدەگى جەڭىل ونەركاسىپتى دامىتۋداعى عىلىمي يننوۆاسيانىڭ ٴرولى

استانا، baq.kz. قازاق تەحنولوگيا جانە بيزنەس ۋنيۆەرسيتەتىنىڭ عيماراتىندا رەسپۋبليكالىق جەڭىل ونەركاسىپ عىلىمي-زەرتتەۋ ينستيتۋتى: «ٴسان الەمى» ديزاين جانە تەحنولوگيا ينستيتۋتىنىڭ رەسمي اشىلۋىنا ارنالعان ٴباسپاسوز كونفەرەنسيا بولدى.

كونفەرەنسياعا قازاقستان رەسپۋبليكاسى ينۆەستيسيالار جانە دامۋ مينيسترلىگىنىڭ يندۋستريالىق دامۋ جانە ونەركاسىپتىك قاۋىپسىزدىك كوميتەتى، «اتامەكەن» ۇلتتىق كاسىپكەرلەر پالاتاسى، قازاقستان رەسپۋبليكاسىنىڭ «جەڭىل ونەركاسىپ ونىمدەرىن وندىرۋشىلەر وداعى» زبت، زاعيپتار قوعامى مەن مۇگەدەكتەر قوعامىنىڭ وكىلدەرى، استانا قالاسىنىڭ مادەنيەت جانە شىعارماشىلىق وكىلدەرى، بەلگىلى ديزاينەرلەر، عالىم-ماماندار، ستۋدەنتتەر مەن قازاق تەحنولوگيا جانە بيزنەس ۋنيۆەرسيتەتىنىڭ وقىتۋشىلارى قاتىستى.

كونفەرەنسيادا تىگىن ونەركاسىبى ونىمدەرىنىڭ ىشكى نارىعىن دامىتۋعا ايتارلىقتاي كەدەرگى كەلتىرەتىن ماسەلەلەر مەن پروبلەمالار تالقىلاندى.

اتاپ ايتقاندا، ارتتا قالعان جانە ەسكىرگەن تەحنولوگيالار مەن جابدىقتاردى پايدالانۋ; ماركەتينگ پەن قارجى تەحنولوگيالارىن ٴتيىمسىز پايدالانۋ، قازاقستاندىق ٴونىمنىڭ باسەكەگە قابىلەتتىلىگىنىڭ تومەندىگى; زاماناۋي تالاپتارعا جاۋاپ بەرەتىن بىلىكتى مامانداردىڭ جەتىسپەۋشىلىگى، اعىمداعى زەرتتەۋلەر مەن ازىرلەمەلەردىڭ جەتىسپەۋى، سونداي-اق حالىقتى تىگىن بۇيىمدارىمەن قامتاماسىز ەتە الماۋ (تەك 8% وتاندىق وندىرۋشىلەر، ال 92% - يمپورت) سياقتى ماسەلەلەر.

سونداي-اق، كيىم وندىرىسىندە يمپورتتى الماستىرۋ، قوسىلعان قۇننىڭ جوعارى ۇلەسىمەن كيىم وندىرۋشىلەردىڭ باسەكەگە قابىلەتتىلىگىن ارتتىرۋ ماسەلەسى تالقىلاندى.

عىلىمي-زەرتتەۋ جانە تاجىريبەلىك-كونسترۋكتورلىق جۇمىستاردى ەنگىزۋ ارقىلى تەحنولوگيالاردى جانە كاسىپورىنداردى باسقارۋ جۇيەسىن جەتىلدىرۋ مۇمكىندىگى وندىرىسكە ەنگىزىلەدى.

حالىقتىڭ ٴومىر ٴسۇرۋ ساپاسىن جاقسارتۋ جانە وتاندىق جانە الەمدىك نارىقتاعى جەڭىل ونەركاسىپ ونىمدەرىنىڭ باسەكەگە قابىلەتتىلىگىن قامتاماسىز ەتۋ ٴۇشىن وندىرىستىك سەكتور كونسورسيۋمى دۇنيەجۇزىلىك بانك گرانتىنىڭ قاراجاتى ەسەبىنەن وندىرىستە عىلىمي-زەرتتەۋ جانە تاجىريبەلىك-كونسترۋكتورلىق جۇمىستار (عزتكج) ناتيجەلەرىن جانە يننوۆاسيالىق تەحنولوگيالاردى ەنگىزۋ ارقىلى قۇرىلدى.

باسقارۋشى كومپانيا مەن كونسورسيۋم كوشباسشىسى - رەسپۋبليكالىق جەڭىل ونەركاسىپ عىلىمي-زەرتتەۋ ينستيتۋتى: «ٴسان الەمى» ديزاين جانە تەحنولوگيا ينستيتۋتى. ول تىگىن سالاسى كاسىپورىندارىنا يننوۆاسيالىق تەحنولوگيالاردى ەنگىزۋ پروسەسىنىڭ زەرتتەۋ بازاسى مەن ينتەگراتورىنىڭ قىزمەتىن الدى.

قر يدم يندۋستريالىق دامۋ جانە ونەركاسىپتىك قاۋىپسىزدىك كوميتەتىنىڭ ٴتوراعاسى الماس باتانوۆ اتاپ وتكەندەي، جەڭىل ونەركاسىپ سالاسىندا عىلىم مەن ٴوندىرىستى بىرىكتىرەتىن عىلىمي ينستيتۋت قۇرۋ كوپتەن بەرى شەشىلمەي جۇرگەن وزەكتى ماسەلە ەدى.

«جىلدام دامىپ كەلە جاتقان تەحنولوگيالار سالاسىنداعى يننوۆاسيالاردى ٴوزارا بايىتۋ ماسەلەسى ٴونىمنىڭ باسەكەگە قابىلەتتىلىگىن قامتاماسىز ەتۋدىڭ ماڭىزدى شارتى بولىپ تابىلادى جانە تۇراقتى ينۆەستيسيالاردى تالاپ ەتەدى»، - دەدى ا.باتانوۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي