ەل بويىنشا استانالىقتار حقكو-نىڭ جۇمىسىن جاقسارتۋعا بەلسەنە قاتىسقان

استانا، baq.kz. ازاماتتارعا ارنالعان ۇكىمەت قازاقستاندىقتاردى حالىققا قىزمەت كورسەتۋ ورتالىقتاردىڭ جۇمىسىن بىرلەسىپ جاقسارتۋعا شاقىرادى.

قىركۇيەك ايىندا «ازاماتتارعا ارنالعان ۇكىمەت» مەملەكەتتىك كورپوراسياسى «كراۋدسورسينگ» جوباسىنىڭ ىسكە قوسىلعاندىعى تۋرالى حابارلاعان بولاتىن. اتالعان جوبا وزگەرىستەرگە بەي-جاي ەمەس بارلىق قازاقستاندىقتى حقكو-لارىنىڭ جۇمىسىن جاقسارتۋعا تارتۋدى كوزدەيدى. مىسالى، ازاماتتار مەملەكەتتىك قىزمەت كورسەتۋدىڭ بيزنەس-پروسەسىن جەتىلدىرۋ بويىنشا وزدەرىنىڭ ۇسىنىستارى مەن ەسكەرتۋلەرىن قالدىرا الادى.

بۇگىنگى كۇنى استانالىقتار ەڭ بەلسەندى قولدانۋشىلار بولىپ وتىر. ولار حقكو-نىڭ جۇمىسىن جاقسارتۋ بويىنشا ۇسىنىستاردىڭ 1/3-نەن استامىن قالدىرعان. ەكىنشى ورىندا وڭتۇستىك استانانىڭ تۇرعىندارى ورنالاستى، ولاردىڭ ۇلەسىندە 26%. وسى رەتتە، جوبا ىسكە قوسىلعان ساتتەن باستاپ 19 قاتىسۋشى انىقتالىپ، ولاردان 23 ۇسىنىس كەلىپ تۇسكەندىگىن ايتا كەتكەن ٴجون. ۇسىنىستاردىڭ كوپشىلىگى كەيبىر مەملەكەتتىك قىزمەتتى كورسەتۋدىڭ بيزنەس-پروسەستەرىن وزگەرتۋگە قاتىستى.

مەملەكەتتىك قىزمەت كورسەتۋ سالاسىنىڭ بارلىق باعىتتارى جانە مەملەكەتتىك كورپوراسيانىڭ قىزمەتى بويىنشا جالپى ٴوز ۇسىنىستارىڭىزدى ەنگىزۋگە بولاتىندىعىن ەستەرىڭىزگە سالامىز. سايتقا قالدىرىلعان ۇسىنىستاردى تالقىلاۋعا، پىكىرلەر قالدىرۋعا جانە لايكتار باسۋعا بولادى. بۇدان وزگە، ۇزدىك يدەيالاردىڭ جەڭىمپازدارى سىيلىقتارمەن كوتەرمەلەنەتىن بولادى. جوبا بويىنشا تولىق اقپاراتتى www.gov4c.info سايتىنان كورۋگە بولادى.

ىرىكتەۋدەن كەيىن، ۇسىنىلعان باستامالار پىسىقتالىپ، مەملەكەتتىك كورپوراسيانىڭ جۇمىسكەرلەرىنەن تۇراتىن كوميسسيا مۇشەلەرى تاراپىنان ىسكە اسىرىلاتىن بولادى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!