BAQ.kz - Қазақстан жаңалықтары USD 379.01 BAQ.kz - Қазақстан жаңалықтары EUR 423.24 BAQ.kz - Қазақстан жаңалықтары RUB 5.9
استانا:

دۇنيە جۇزىندەگى كيىكتەردىڭ 95%-ى قازاقستاندا عانا مەكەندەيدى

فوتو: Нұржас Жақсыбай

استانا، baq.kz ٴتىلشىسى. بۇگىن استانادا mega silk way ويىن-ساۋىق ورتالىعىندا كاسپيي قۇبىر كونسورسيۋمى مەن national geographic qazaqstan جۋرنالىنىڭ بىرلەسۋىمەن « ۇلى دالانىڭ كيەسى» فوتوكورمەسى ٴوتتى.

كورمەنى وتكىزۋدەگى ماقسات – كوپشىلىك قاۋىم اراسىندا ەكولوگيالىق مادەنيەتتى قالىپتاستىرۋ، دالانىڭ اڭ-قۇستارى، ونىڭ ىشىندە قازاققا ەتەنە جاقىن كيىكتەر تۋرالى تۇرعىنداردىڭ تانىم كوكجيەگىن كەڭەيتۋگە جانە قورشاعان ورتانى قورعاۋ پروبلەمالارىنا قوعامنىڭ نازارىن اۋدارتۋ.

بۇل جانۋارلاردى قورعاۋ جانە ساقتاپ قالۋ ىسىندە كاسپيي قۇبىر كونسورسيۋمىنىڭ قوسقان ۇلەسى زور.

«ٴبىزدىڭ كومپانيا بوكەندەردى عارىشتان باقىلاۋعا مۇمكىندىك بەەرتىن 30 دانا قارعىباۋ ساتىپ الۋعا 2016 جىلى 21 ميلليون تەڭگە، ال وتكەن جىلدىڭ وزىندە تەك زەرتتەۋ جۇمىستارىنا عانا 27 ملن تەڭگە ٴبولدى. بۇگىنگى كورمە « ۇلى دالانىڭ كيەسى» دەپ اتالۋى جايدان جاي ەمەس. بولاشاقتا دا وسى باعدارلامانى قولدايتىن بولامىز»، - دەيدى «كاسپيي قۇبىر كونسورسيۋمى» اق-نىڭ باس ديرەكتورىنىڭ ورىنباسارى قايىرگەلدى قابىلدين.

كيىكتەردىڭ تاعى ٴبىر ەرەكشەلىگى – ەشقاشان جەتىم قالعان لاقتارىن دالاعا تاستامايدى. ال كەز كەلگەن كيىك جولىنان ماڭىراپ شىققان قۇرالايدى كەزدەستىرە قالسا، جانىنا بارىپ ەمىزىپ، وزىمەن ەرتىپ كەتەدى.

«بيىل 2017 جىلمەن سالىستىرعاندا كيىكتىڭ باسى 215% وسكەنىن ماقتانىشپەن ايتۋعا بولادى. بۇگىنگى كورمەدە وسى سالادا ىستەلىنىپ جاتقان جۇمىستاردىڭ شەت جاعاسىن عانا كورىپ وتىرسىزدار. دۇنيە جۇزىندەگى كيىكتەردىڭ 95%-ى بىزدە عانا بار»، - دەيدى قر اشم ورمان شارۋاشىلىعى جانە جانۋارلار دۇنيەسى كوميتەتى ٴتوراعاسىنىڭ ورىنباسارى مارلەن اينابەكوۆ.

فوتولار: نۇرجاس جاقسىباي


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي