استانا، baq.kz. قىتاي حالىق رەسپۋبليكاسىنىڭ استاناسىندا «وسترىي كلينوك-2018» اتتى حالىقارالىق كوزدەپ اتۋدان جارىس جالعاسۋدا. جارىستىڭ ەكىنشى كۇنى قازاقاستاننىڭ اتىنان جارىسقا شىققان ۇلتتىق ۇلاننىڭ «بۇركىت» ارنايى جاساعى تۇتقىنداردى بوساتۋ جاتتىعۋى بويىنشا ەڭ ۇزدىك ناتيجە كورسەتتى. قازاقستاندىق كوماندا لاڭكەستىڭ مانداي تۇسى سۋرەتتەلگەن بارلىق ٴتورت جىلجىمالى «لاڭكەس-تۇتقىن» نىساندارىن ٴدال تيگىزدى. بۇل تۋرالى قر ۇلتتىق ۇلانىنىڭ ٴباسپاسوز قىزمەتى حابارلادى.
18–22 قازان ارالىعىندا وتەتىن جارىستا 21 ەلدەن كەلگەن 100 مەرگەن قاتىسادى. ونىڭ ىشىندە قىتاي، بەلارۋس، ۆەنگريا، يزرايل جانە پاكىستان ەلدەرى بار. جارىسقا قازاقاستان اتىنان ۇلتتىق ۇلاننىڭ «بۇركىت» ارنايى جاساعى قاتىسۋدا.
شارانى قىتايدىڭ حالىقتىق قارۋلانعان ميليسياسى ۇيىمداستىرۋدا. ونىڭ ماقساتى ٴار ەلدىڭ انتيتەررورلىق كۇشتەرىنە بىر-بىرىنەن ۇيرەنۋگە ارنالعان تاجىريبە جيناقتاۋ جانە كورسەتۋ پلاتفورماسىن قۇرۋ، حابارلاسۋ ارقىلى دەڭگەيدى كوتەرۋ جانە دوستىقتى كۇشەيتۋ بولىپ تابىلادى.
بۇنىمەن قوسا، جارىس لاڭكەستىكپەن كۇرەس سالاسىندا الەۋەتتى ٴارى قاراي دامىتۋعا، سونداي-اق، مەرگەندەردىڭ جاۋىنگەرلىك دايارلىعىن جانە كاسىبي بىلىكتىلىگىن كوتەرۋگە باعىتتالعان.
انتيتەررورلىق ارنايى وپەراسيانىڭ ەرەكشەلىكتەرىن ەسكەرە وتىرىپ، اتالمىش جارىستار 12 پاندىك ٴتورت ساناتتان قۇرالادى. ونىڭ ۇستىنە، ٴار ٴتۇرلى جارىستار ٴار جەردە ٴبىر مەزەتتە وتكىزىلەدى.
ۇلتتىق ۇلاننىڭ «بۇركىت» ارنايى جاساعى وسى جىلى جارىسقا ەكىنشى مارتە قاتىسۋدا. اتاپ ٴوتۋ كەرەك، جارىستىڭ العاشقى كۇنى ەلىمىزدىڭ سايىپ قىران جىگىتتەرى «وسترىي كلينوك» ارنايى جۇلدەسىن جەڭىپ الدى.
«وسترىي كلينوك» كوزدەۋ بويىنشا حالىقارالىق جارىسى قىتايدىڭ حالىقتىق قارۋلانعان ميليسياسىنىڭ حالىقارالىق ىنتىماقتاستىقتى جۇزەگە اسىراتىن، شىنايى جاعدايعا جاقىن ەتىپ وقۋ-جاتتىعۋلاردى وتكىزۋدەن وزىندىك برەندى بولىپ تابىلادى.
ەكى جىلدا ٴبىر وتەتىن «وسترىي كلينوك» جارىسى العاش رەت 2016 جىلى بەيجىڭدە 15 ەلدىڭ قاتىسۋىمەن وتكەن.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
استانا: 
2585 
0
17088
0 
