BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

بيزنەسكە زاڭسىز ارالاسقان 95 لاۋازىمدى تۇلعا سوتتالدى

استانا، baq.kz ٴتىلشىسى. جىل باسىنان بەرى بيزنەسكە زاڭسىز ارالاسقان مەملەكەتتىك ورگانداردىڭ 186 لاۋازىمدى تۇلعاسى جاۋاپكەرشىلىككە تارتىلدى. بۇل تۋرالى مەملەكەتتىك قىزمەت ىستەرى جانە سىبايلاس جەمقورلىققا قارسى ٴىس-قيمىل اگەنتتىگىنىڭ رەسمي وكىلى جاننا باستاروۆا مالىمدەدى.

«ورگاننىڭ بيزنەستى مەملەكەتتىك ورگانداردىڭ زاڭسىز ارالاسۋىنان قورعاۋ قىزمەتىندە ىلگەرىلەمەلى دامۋ بايقالۋدا. بۇل باعىتتا 249 فاكتىنىڭ جولى كەسىلدى. ولاردى جاساعانى ٴۇشىن 186 لاۋازىمدى تۇلعا جاۋاپكەرشىلىككە تارتىلۋدا، ٴ95-ى سوتتالدى. الدىڭعى جىلعى كەزەڭمەن سالىستىرعاندا 1،5 ەسەگە كوپ كاسىپكەرلەردىڭ قۇقىعى قورعالدى – 261-دەن 414 تۇلعاعا دەيىن. بۇل جەردە «بيزنەستى جانە ينۆەستيسيالاردى قورعاۋ» جوباسىنىڭ جوعارى ناتيجەلىگىن اتاپ ٴوتۋ قاجەت. قازىرگى تاڭدا جالپى باعاسى 6،9 ترلن تەڭگەدەن استام 252 بيزنەس-جوبالار اگەنتتىكتىڭ سۇيەمەلدەۋىندە. ونىڭ 32% - بۇل شەتەلدىك ۇلەسى بار جوبالار. اتالعان جوبا اياسىندا تەك قانا ادال بيزنەس اگەنتتىكپەن سىبايلاس جەمقورلىققا قارسى سۇيەمەلدەنۋدە»، - دەدى جاننا باستاروۆا.

اگەنتتىكتىڭ رەسمي وكىلى ەلىمىزدىڭ ٴاربىر ازاماتى سىبايلاس جەمقورلىق فاكتىلەرى بويىنشا مەملەكەتتىك قىزمەت ىستەر جانە سىبايلاس جەمقورلىققا قارسى ٴىس-قيمىل اگەنتتىگىنىڭ 24/7 قاعيداتى بويىنشا جۇمىس جاسايتىن 1424 call-ورتالىعىنا حابارلاسا الاتىندىعىن اتاپ ٴوتتى.

«ازاماتتار سونداي-اق رەسمي حاتپەن ٴبىزدىڭ اگەنتتىككە نەمەسە ۇلتتىق بيۋرونىڭ كەزەكشى بولىمىنە، اگەنتتىك ٴتوراعاسىنىڭ رەسمي بلوگىنا جانە ونىڭ جەكە ەلەكتروندىق پوشتاسىنا ٴوتىنىش جولداي الادى. وتىنىشتەر بويىنشا جەدەل ارەكەت ەتۋ شارالارى قابىلداناتىن بولادى»، - دەپ ٴسوزىن تۇيىندەدى ول.

ەستەرىڭىزگە سالا كەتەيىك، جاننا باستاروۆا ۇلتتىق بيۋرو جىل باسىنان بەرى قانشا سىبايلاس جەمقورلىق فاكتىسىن انىقتاعانى تۋرالى جانە سىبايلاس جەمقورلىق قىلمىسى ازايعان ورگاندار جايلى ايتقان بولاتىن. سونىمەن قاتار ول، راستالعان جەمقورلىق فاكتىسىن حابارلاعاندارعا قانشا تەڭگە بەرىلگەنى تۋرالى ايتتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي