BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

بيىل تۇرعىن ٴۇي قۇرىلىسىنا كەپىلدىك بەرۋ سوماسى جوسپاردان اسىپ ٴتۇستى

فوتو: ашық дереккөзден

استانا، baq.kz. "بايتەرەك" حولدينگىنىڭ ەنشىلەس ۇيىمى "تۇرعىن ٴۇي قۇرىلىسىنا كەپىلدىك بەرۋ قورى" اكسيونەرلىك قوعامى "نۇرلى جەر" تۇرعىن ٴۇي قۇرىلىسىنىڭ باعدارلاماسى اياسىندا تۇرعىن ٴۇي قۇرىلىسىنا كەپىلدىك بەرۋ بويىنشا جوسپاردى ارتىعىمەن ورىندادى. بۇل تۋرالى ورتالىق كوممۋنيكاسيالار قىزمەتىندە وتكەن ٴباسپاسوز وتىرىسىندا ايتىلدى.

اعىمداعى جىلدىڭ قورىتىندىلارى بويىنشا كەپىلدىك بەرۋدىڭ ناقتى سوماسى 56،4 ملرد تەڭگەنى قۇرادى جانە بۇل جوسپاردان 16،3 ملرد تەڭگەگە اسىپ ٴتۇستى. تۇقكبق ۇلەستىك قۇرىلىستىڭ نارىعىن 13،9% قامتىدى، ال جوسپار بويىنشا 7% كوزدەلدى.

"2018 جىلى تۇقكبق استانا، الماتى، شىمكەنت، ورال قالالارىنداعى تۇرعىن ٴۇي قۇرىلىسىنىڭ اياقتالۋىنا جالپى سوماسى 56،4 ملرد تەڭگەنى قۇرايتىن 16 كەپىلدىك بەردى. كەپىلدىك بەرىلگەن پاتەرلەردىڭ جالپى الاڭى 241،3 مىڭ شارشى مەتردى قۇرايدى. بۇل - بارلىعى 4145 پاتەر"، - دەيدى تۇقكبق باسقارما ٴتوراعاسى دانيار جۇماشەۆ.

قازىرگى تاڭدا تۇرعىن ٴۇي قۇرىلىسىنىڭ ٴتورت نىسانى جوبالىق قۇجاتتامالارمەن قاراستىرىلعان مەرزىمدە پايدالانۋعا بەرىلدى، ونىڭ ەكەۋى الماتىدا جانە ەكەۋى استانادا ورنالاسقان. قالعان نىسانداردىڭ قۇرىلىسى جوسپارلانعان كەستەگە سايكەس جۇرگىزىلۋدە.

تۇرعىن ٴۇي قۇرىلىسىنا كەپىلدىا بەرۋ قورى - ٴۇش جاقتى پايدانى قامتاماسىز ەتەتىن جانە ٴۇش جاقتىڭ دا مۇددەسىن ساقتاندىراتىن تۇرعىن ٴۇي نارىعىنىڭ وپەراتورى. تۇقكبق قۇرىلىس سالۋشىلاردا توتەنشە جاعدايلار تۋىنداعان كەزدە ۇلەسكەرلەرگە تۇرعىن ٴۇيدى ٴوز قاراجاتتارىنا سالىپ بىتىرەتىنىنە كەپىلدىك بەرەدى. نەسيە بەرۋشى بانكتەرگە تۇكقبق سالىنىپ جاتقان تۇرعىن ٴۇيدى ساتىپ الۋعا بەرىلەتىن ۇلەسكەرلەردىڭ نەسيەلەرىنە كەپىلدىك بەرەدى جانە ۇلەسكەرلەر دەفولت بولعان كەزدە بانكتەرگە نەسيە سوماسىن وتەيدى. قۇرىلىس سالۋشىلارعا قور ۇلەسكەرلەردىڭ قاراجاتتارىنا جول اشادى، قۇرىلىستى قارجىلاندىرۋ باعاسىن تومەندەتۋگە جاعداي جاسايدى جانە قۇرىلىستىڭ باسىنان باستاپ تۇرعىن ٴۇيدى ساتۋعا مۇمكىندىك بەرەدى.

قوردىڭ قارجىلىق كاپيتالى جالپى جوبالىق قۇنى 200 ملرد. تەڭگەگە دەيىن تۇرعىن ۇيە قۇرىلىسىنىڭ نىساندارىنا كەپىلدىك بەرۋگە مۇمكىندىك بەرەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي