BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

بيىل «اسكەري ٴونىم» تۇرعىن ٴۇي باعدارلاماسى اياسىندا 1845 وتباسى باسپانالى بولدى

الماتى، baq.kz ٴتىلشىسى. 2018 جىلى تۇرعىن ٴۇي قۇرىلىس جيناق بانكىندە 5 مىڭنان استام اسكەري قىزمەتكەردىڭ ٴوتىنىمى ىرىكتەلىپ الىنعان، ونىڭ ٴ1845-ى بويىنشا جەڭىلدەتىلگەن نەسيە بەرىلگەن. بۇل جايىندا تۇرعىن ٴۇي قۇرىلىس جيناق بانكىنىڭ باسقارما ٴتورايىمى ٴلاززات يبراگيموۆا بانك جانىنان قۇرىلعان قوعامدىق كەڭەستىڭ وتىرىسىندا ايتتى.

جيىن بارىسىندا 2018 جىلى ىسكە اسىرىلعان «اسكەري ٴونىم» جوباسى مەن كەلەر جىلعى جوسپارلار تالقىلاندى.

«اسكەري قىزمەتكەرلەر جالاقىدان بولەك اي سايىن رەسپۋبليكالىق بيۋدجەتتەن تۇرعىن ٴۇي تولەمدەرىن الادى. ولار بۇل قاراجاتتى تۇرعىن ٴۇي جاعدايىن جاقسارتۋعا جۇمساي الادى. ٴقازىر 70 مىڭداي اسكەري قىزمەتشى تۇرعىن ٴۇي قۇرىلىس جيناق بانكىنەن شوت اشىپ، ٴۇي الامىز دەپ تۇرعىن ٴۇي تولەمدەرىن جيناپ جاتىر. ٴبىزدىڭ بانك دەپوزيتتەرىنىڭ ٴبىرقاتار ارتىقشىلىقتارى بار، ماسەلەن، ولاردىڭ شوتتارى بويىنشا قانداي دا ٴبىر تىيىم سالۋ، تولەم تالاپتارىن قويۋ جۇرگىزىلمەيدى»، -دەيدى ل. يبراگيموۆا.

سونىمەن قاتار ول، بۇل ٴونىم بويىنشا يپوتەكالىق نەسيەنىڭ العاشقى جارناسى 5 پەن 20% ارالىعىندا ەكەنىن ايتىپ ٴوتتى.

«جاڭا ٴۇي الۋ ٴۇشىن العاشقى جارنا رەتىندە ٴۇي باعاسىنىڭ 5%-ى نەمەسە 20%-ى قاجەت، ال نەسيەنىڭ جىلدىق مولشەرلەمەسى 6-8% ارالىعىندا. ٴبارى ايقىن بولۋ ٴۇشىن askeri.baspana.kz ارنايى پورتالىن اشتىق. ٴار تىركەلۋشى ٴوتىنىم بەردى جانە جۇمىس ىستەگەن وتىلىنە قاراي ۇپايلىق كورسەتكىشپەن ەسەپتەلدى. بۇل ٴونىم بويىنشا ادامدار پاتەردى ەلىمىزدىڭ كەز كەلگەن وڭىرىنەن تاڭداي الادى»، -دەدى ول.

القالى جيىن بارىسىندا سونىمەن قاتار تۇرعىن ٴۇي كومۋنالدى شارۋاشىلىعىنا كۇردەلى جوندەۋ جۇرگىزۋ قارجىلاندىرۋىنا بانكتىڭ قاتىسۋ ماسەلەسى دە تالقىلاندى.

«ٴقازىر قر ماجىلىسىندە تۇرعىن ٴۇي كومۋنالدىق شارۋاشىلىعى قۇرىلىمىن وزگەرتەتىن زاڭ جوباسى قارالۋدا. ياعني، مۇلىك يەلەرىنىڭ باسىن قوساتىن، ٴبىر ٴۇي – ٴبىر ەسەپ تۇسىنىگى ەنگىزىلۋدە. بۇلار تشك-دا ٴتارتىپ ورناتىپ، ولاردىڭ جۇمىسىن ايقىن ەتە تۇسەدى. ٴبىرقاتار دەپۋتات ٴۇيدىڭ جوندەۋ جۇمىستارىنا جينالاتىن قاراجاتتى ٴبىر جەرگە شوعىرلاندىرۋ باستاماسىمەن شىقتى. الەۋمەتكە باعىتتالعان بانك رەتىندە ٴبىز بۇل يدەيانى قولدايمىز، تىپتەن ول قاراجاتتاردى ساقتاۋ بويىنشا دا جاۋاپكەرشىلىكتى الدىق»، -دەيدى ٴلاززات يبراگيموۆا.

ونىڭ ايتۋىنشا، ەلىمىزدەگى كوپپاتەرلى ۇيلەردىڭ 35 پايىزىنا كۇردەلى جوندەۋ جۇمىستارىن جاساۋ قاجەت.

«ەگەر 30 جىلدان كەيىنگى جاعدايدى بولجايتىن بولساق ٴقازىر سالىنعان ۇيلەر جوندەۋ جۇمىستارىن قاجەت ەتەدى. ٴار تۇرعىن تازا جانە قۇبىرلارى جۇمىس ىستەيتىن ۇيدە تۇرعىسى كەلەدى. بۇل شىعىنداردىڭ بارلىعى تۇرعىنداردىڭ ەسەبىنەن جاسالادى. سوندىقتان وسىنداي جيناقتاردى قازىردەن باستاپ قولعا الۋ كەرەك، ياعني ورتاق ٴبىر بانكتە جيناۋ قاجەت. باعالاۋ بويىنشا جىل سايىن 75 ملرد تەڭگە جينالادى دەپ كۇتىلۋدە. ٴقازىر ۇيلەردى جوندەۋ بويىنشا جينالاتىن قاراجات جونىندە ەشقانداي ستاتيستيكا جوق، ٴار تكش وزىنشە جيناپ وتىر» ،-دەيدى ول.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي