2168 
0
«استانا lrt» جشس باسقارماسى ٴتوراعاسىنىڭ ورىنباسارى بەيبىت ەسجانوۆ استاناعا قاۋىرت ۋاقىتتا كىرەتىن كولىكتەردەن اقى الۋ جۇيەسى تۋرالى تۇسىنىكتەمە بەردى، دەپ حابارلايدى baq.kz ٴتىلشىسى.
17125
0 
استانا: 
«استانا lrt» جشس باسقارماسى ٴتوراعاسىنىڭ ورىنباسارى بەيبىت ەسجانوۆ استاناعا قاۋىرت ۋاقىتتا كىرەتىن كولىكتەردەن اقى الۋ جۇيەسى تۋرالى تۇسىنىكتەمە بەردى، دەپ حابارلايدى baq.kz ٴتىلشىسى.
«بۇگىندە استانادا اۆتوموبيل سانى ارتىپ كەلەدى. ەلوردادا 500 مىڭ كولىك قۇرالى بار. ونىڭ 324 مىڭى تىركەلگەن، 80 مىڭنان استامى سىرتتان كەلەدى. ال قالعانى باسقا وڭىرلەردىڭ ەسەبىندە تۇرىپ، استانادا ٴومىر سۇرەتىندەردىكى. سول سەبەپتى قالاداعى دەڭگەي وتە جوعارى. كولىك قۇرالدارىنىڭ سانىن جان باسىنا شاقساق لوندوننىڭ دەڭگەيىنە جاقىنداپ قالدىق. سول سەبەپتى قوعامدىق كولىك سالاسىن جاقسارتۋ، سونداي-اق كوشە جەلىلەرىندەگى جۇكتەمەنى تومەندەتۋگە ارنالعان شارالار لەگى قابىلدانىپ جاتىر. مۇنداي شارالاردىڭ ٴبىرى ول –قالاعا كىرۋدى اقىلى ەتۋ. ٴبىز 6 نۇكتەگە ەنگىزبەكپىز»، - دەپ حابارلادى ەسجانوۆ.
ول وسىعان دەيىن بۇل جوبانى قوعامدىق كەڭەس تالقىلاپ، ولاردىڭ ٴبىرقاتار ەسكەرتۋىمەن جۇمىس ىستەپ جاتقاندارىن ايتتى. لەر جاسادى. ٴبىز سولارمەن جۇمىس ىستەپ جاتىرمىز.
«اقىلى كىرۋ بۇل قاۋىرت ۋاقىتتا، مىسالى ساعات تاڭەرتەڭ 7.00 مەن 9.00، كەشكى 17.30-دان 20.00-گە دەيىنگى ارالىقتا بولادى. اقىلى كىرۋدى ەنگىزۋدەگى سەبەپ، بۇگىندە استاناعا كۇن سايىن 82 مىڭ كولىك كىرەدى. ال بىزدە كوشە-جول جەلىسىندەگى جۇكتەمە 17% قۇرايدى. ەگەر ماشينا كوپ قوزعالاتىن ۋاقىتتا اقىلى كىرۋدى ەنگىزسەك حالىقتىڭ كوپ بولىگى قوعامدىق كولىككە مىنەتىن بولادى. ٴقازىر بىزدە قالا ماڭىنا قاتىنايتىن 16 اۆتوبۋس بار. ولاردىڭ اراسىنداعى جيىلىك 4 مينۋت. سول سەبەپتى قالا ماڭىنداعى تۇرعىنداردىڭ قوعامدىق كولىكتە جايلى ٴجۇرىپ-تۇرۋى ٴۇشىن بارلىق قاجەتتى شارانى جاسايمىز»، - دەپ اتاپ ٴوتتى استانا lrt» جشس باسقارماسى ٴتوراعاسىنىڭ ورىنباسارى.
ەسجانوۆ قالاعا كىرۋ اقىسى قانشا بولاتىنىن ازىرگە بەلگىسىز ەكەنىن ايتتى. ال بۇل جۇەي ەنگىزىلسە كوشە-جول جەلىسىندەگى جۇكتەمە 15-20%-عا تومەندەيدى دەپ سەندىردى.
«جوبا ٴالى پىسىقتالىپ جاتىر. بىرنەشە مەحانيزمىن قاراستىرۋدامىز. مۇنى مەملەكەتتىك-جەكە سەرىستەستىك، نە كۆازيسەكتور، نە جەكە كومپانيامەن جۇزەگە اسىرامىز. بۇل قاۋىرت ۋاقىتتا جۇرمەيتىن نەمەسە جۇمىسقا بارمايتىن ادامداردى شەكتەۋ ٴۇشىن قاجەت. ولار ۋاقىتتارىن دۇرىس جوسپارلاپ، نە بولماسا كەش شىعۋعا تىرىسادى. سول كەزدە ولار شىعىندانبايدى نەمەسە باراتىن جەرى قوعامدىق كولىكپەن بوگەلمەي جەتە الادى»، - دەدى ول.
ونىڭ ايتۋىنشا، قوعامدىق كولىكتەر عانا تەگىن وتە الادى.
ەسكە سالا كەتسەك، وسىعان دەيىن قالاعا اقىلى كىرۋ نۇكتەلەرى دەپ قورعالجىن تاس جولى، نۇرعيسا تىلەنديەۆ داڭعىلى، استانا-قاراعاندى تراسساسى، الاش تاس جولى، قارقارالى تاس جولى، ٴوندىرىس كوشەسى اتالدى.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
