BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

باس پروكۋرورعا قول استىنداعىلارى قىسىم كورسەتكەن

فوتو: Zanmedia.kz

ەلىمىزدىڭ باس پروكۋرورى وزىنە قىسىم كورسەتىلىپ جاتقانىن ايتىپ، توسىن مالىمدەمە جاسادى. ٴبىر قىزىعى، وعان مىنەز كورسەتىپ جۇرگەن ساياساتتاعى ىقپالدى شەنەۋنىك ەمەس، قاراماعىنداعى 2 بىردەي وبلىستىڭ پروكۋرورى ەكەن. اشۋعا مىنگەن اسانوۆ ولاردىڭ سازايىن بەرەتىنىن بۇگىن كوپتىڭ كوزىنشە ايتتى.

«وبلىستىق ەكى پروكۋرور مازاسىن الماۋىم ٴۇشىن قىسىم كورسەتكىسى كەلدى. مۇنى ٴازىلسىز ايتىپ وتىرمىن. ولاردىڭ باسىندا پروبلەما بولادى. مۇندايدى قويۋ كەرەك»، - دەيدى قر باس پروكۋرورى جاقىپ اسانوۆ.

ٴبىراق اسانوۆ وزىنە قاي وبلىستىڭ پروكۋرورلارى قىسىم كورسەتكەنىن اشىپ ايتقان جوق. ٴتىپتى قاراماعىنداعىلارىنا تيىسە بەرمەۋىن وتىنگەن ورتاداعى لاۋازىمدى ساياساتكەردىڭ اتىن دا اتامادى. تەك تامىر-تانىستارىنا سەنىپ، باسشىلارىنا باعىنباعانداردى ۇلكەن پروبلەما كۇتىپ تۇرعانىن قاتاڭ ەسكەرتتى. وسىعان قاراعاندا، جاپپاي كادرلىق تازارتۋ جۇرگىزىپ جاتقان اسانوۆتىڭ باستامالارى قول استىنداعىلارعا جاقپايتىن سەكىلدى. ال بۇعان دەيىن باس پروكۋرور قاراعاندى وبلىسىنىڭ پروكۋرورىن قىزمەتتەن قۋعان بولاتىن. ٴقازىر بىلىققا باتقان اقمولا وبلىسىمەن اينالىسىپ جاتىر ەكەن. سوندىقتان، ٴتارتىپتى قالايتىن اسانوۆقا قوقان-لوققى جاساۋشىلاردىڭ قاتارى تاعى ارتۋى مۇمكىن.

كتك


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي