BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

باس پروكۋراتۋرا تالعات ەرمەگيايەۆتىڭ «vip-كامەرادا» وتىرۋىنا قاتىستى تۇسىنىكتەمە بەردى

قر باس پروكۋراتۋراسى جەمقورلىق فاكتىسى بويىنشا سوتتالعان «استانا ەكسپو-2017» ۇك» اق بۇرىنعى باسقارما باسشىسى تالعات ەرمەگيايەۆتىڭ تۇرمەدەگى «vip-كامەرادا» جازاسىن وتەۋىنە قاتىستى تۇسىنىكتەمە بەردى، دەپ حابارلايدى baq.kz ٴتىلشىسى.

«اتالعان ىسكە توقتالايىن. ەرمەگيايەۆتا ونداي كامەرا بولعان جوق. ول جازاسىن وتەپ جاتقان مەكەمەدەگى وندىرىستىك اۋماقتا وعان ارنايى كابينەت جابدىقتالىپتى. ٴسويتىپ وعان جاعداي جاسالعان. سونداي-اق، ول جازاسىن تۇرمە كامەراسىندا وتەۋ كەزىندە وعان بەلگىلى ٴبىر دəرەجەدە جەڭىلدىكتەر بەرىلگەن»، - دەدى قر باس پروكۋراتۋراسى زاڭدىق كۇشىنە ەنگەن ۇكىمدەردىڭ زاڭدىلىعىن جانە ولاردىڭ ورىندالۋىن قاداعالاۋ قىزمەتىنىڭ باستىعى قايرات جاقىپبايەۆ بريفينگتە.

سونىمەن قاتار، ول اتالعان جاعدايعا قاتىستى ٴتيىستى تەكسەرىستەر جۇرگىزىلىپ، تۇزەۋ مەكەمەسىندەگى قىزمەتكەرلەر جازاعا تارتىلعانىن اتاپ ٴوتتى.

«قىزمەتكەرلەر جۇمىستان شىعارىلدى. تەكسەرىس جۇمىستارى جۇرگىزىلدى. 16 ازامات جازالاندى»، - دەدى قايرات جاقىپبايەۆ.

وسى ورايدا باسشى اتالعان جاعدايدان كەيىن ەلىمىزدەگى بارلىق تۇرمە تەكسەرىلگەنىن مəلىمدەدى.

«وسىدان كەيىن قر باس پروكۋرورى بۇكىل قازاقستان بويىنشا تەكسەرىس جۇرگىزۋ تۋرالى نۇسقاۋ بەردى. قاڭتار ايىندا بارلىق تۇرمەنى تەكسەردىك. سول كەزدە تاعى دا زاڭ بۇزۋشىلىقتار انىقتالدى. بىرەۋدەن تەلەفون، كىلەم، تۇرمىستىق تەحنيكا تاركىلەندى. وسىلايشا 26 ادام جازالاندى. ٴبىز بۇل ماسەلەنى باقىلاۋدا ۇستاپ وتىرمىز، كەزەڭ-كەزەڭمەن تەكسەرىپ تۇرامىز»، - دەپ تۇيىندەدى ٴسوزىن قايرات جاقىپبايەۆ.

بۇعان دەيىن «ەكسپو» ۇلتتىق كومپانياسىنىڭ ەكس-باسشىسى تالعات ەرمەگيايەۆكە جازاسىن وتەۋ كەزىندە جاقسى جاعداي جاساپ بەرگەنى ٴۇشىن ەس-166/10 تۇزەۋ مەكەمەسىنىڭ باسشىسى ن.س.ابەن جانە ونىڭ ورىباسارى ت.و.مۇسايەۆ ۇستالىپ، سوت سانكسياسىمەن قاماۋعا الىنعانىن ٴىىم حابارلاعان بولاتىن.

ايتا كەتەيىك، 2016 جىلى ماۋسىمدا تالعات ەرمەگيايەۆقا قاتىستى سوت ۇكىمى شىعىپ، ول 14 جىلعا باس بوستاندىعىنىن ايىرىلعان ەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي