BAQ.kz - Қазақстан жаңалықтары USD 379.36 BAQ.kz - Қазақстан жаңалықтары EUR 424.47 BAQ.kz - Қазақстан жаңалықтары RUB 5.88
استانا:

باقىت سۇلتانوۆ مينيستر مەن əكىم قىزمەتىندەگى ايىرماشىلىقتى اتادى

استانا قالاسىنىڭ جاڭا əكىمى باقىت سۇلتانوۆ مينيستر مەن əكىم قىزمەتىندەگى ايىرماشىلىقتاردى اتادى، دەپ حابارلايدى baq.kz ٴتىلشىسى.

"əرينە، əر جۇمىستىڭ ٴوزىنىڭ ماڭىزى، ٴوزىنىڭ ەرەكشەلىكتەرى بار. مينيسترلىكتە، ياعني ورتالىقتا ىستەگەندە نەگىزىنەن ساياسات قۇرۋ، ساياساتقا ٴتيىستى ۇسىنىستار، مىسالى زاڭناما ەنگىزۋ، حالىقارالىق دەڭگەيدەگى جۇمىستار كوبىرەك بولعان. ال استانانى ۇلكەن قوجالىق دەپ ەسەپتەۋگە بولادى. ونىڭ ٴəرتۇرلى پروبلەمالارى بار. بىرىنشىدەن، بۇل تۇرعىنداردان، حالىقتان كەلەتىن تالاپتار. əرينە بۇلاردىڭ بارلىعىن əكىمدىك جەرگە تاستاماي، دەر كەزىندە، ۋاقىتىلى شەشۋ قاجەت. سوندىقتان بۇل جۇمىس əرينە مەن ٴۇشىن قىزىق. ويتكەنى əر ادامنىڭ كارەراسىنا پراكتيكالىق جۇمىس كەرەك دەپ ويلايمىن"، - دەدى سۇلتانوۆ ۇكىمەت كۋلۋارىندا جۋرناليستەرگە بەرگەن سۇحباتىندا.

قالا باسشىسى وعان ۇلكەن تالاپتار قويىلىپ وتىرعانىن ايتتى. سەبەبى قازىرگى كۇنى استانا قالاسى قارقىندى دامىپ، حالىق سانى ٴوسىپ بارا جاتىر. سوندىقتان حالىققا قىزمەت كورسەتۋ ساپاسىن ارتتىرۋ كەرەك.

"ەلباسى وتكەن اپتادا اكتيۆپەن تانىستىرۋ بارىسىندا ٴبىراز جۇيەلى ماڭىزدى ماسەلەلەردى كوتەردى. ناقتى تاپسىرمالار بەردى. ولاردىڭ ىشىندە ەلوردامىزدىڭ دامۋىنىڭ جاڭا مودەلىن ازىرلەۋ تاپسىرماسى بار. بۇل ٴۇشىن اكىمدىك قىسقا مەرزىم ىشىندە 2050 جىلعا استانانىڭ دامۋ ستراتەگياسىن ۇسىنۋى قاجەت. وسى جۇمىستى كوپ سوزباي باستاپ كەتتىك"، - دەدى ب.سۇلتانوۆ.

سونداي-اق، استانا əكىمىنىڭ ايتۋىنشا، ناقتى تاپسىرمالاردىڭ ٴبىرى -حالىقتىڭ، تۇرعىنداردىڭ جاعدايىن جاقسارتۋ.

"ٴقازىر قىس تا جاقىنداپ قالدى. ٴبىراز ماسەلە بار. ەڭ ٴبىرىنشى جۇمىستاردىڭ ٴبىرى - قالانى قىسقى مەرزىمگە ۋاقىتىلى دايىنداۋ. بۇل ٴۇشىن كولىك، باسقا دا ەلەكتر جابدىقتارى، جىلۋ جاعىنان ٴبىراز جينالىس وتكىزىلدى. مەن ٴوزىم تىكەلەي مەكەمەلەردى ارالاپ شىقتىم. دايىندىق جاعىنان بارلىق جۇمىس جۇيەلى، وپەراتيۆتى تۇردە جۇرگىزىلىپ جاتىر. سوندىقتان ەشقانداي پروبلەما بولماۋى ٴتيىس"، - دەپ تۇيىندەدى باقىت سۇلتانوۆ.

بۇگىن قالا باسشىسى سۇلتانوۆ جۇمىسقا جاياۋ باراتىنىن ايتقان بولاتىن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي