BAQ.kz - Қазақстан жаңалықтары USD 378.87 BAQ.kz - Қазақстан жаңалықтары EUR 422.4 BAQ.kz - Қазақстан жаңалықтары RUB 5.87
استانا:

«ازاماتتارعا ارنالعان ۇكىمەت» قازاقستاندىقتاردى بىرلەسىپ جۇمىس ىستەۋگە شاقىردى

«ازاماتتارعا ارنالعان ۇكىمەت» مەملەكەتتىك كورپوراسياسى www.gov4c.info رەسمي سايتىندا مەملەكەتتىك قىزمەت كورسەتۋ بيزنەس-پروسەسىن جەتىلدىرۋ بويىنشا قازاقستاندىقتاردىڭ ۇسىنىس-تىلەكتەرىن قابىلداۋعا مۇمكىندىك بەرەتىن «كراۋدسورسينگ» جوباسىن ىسكە قوستى، دەپ حابارلايدى baq.kz اقپارات اگەنتتىگى.

بۇگىنگى تاڭدا مەملەكەتتىك كورپوراسياعا باسقارما ٴتوراعاسىنىڭ بلوگى، الەۋمەتتىك جەلىلەر جانە كەرى بايلانىستىڭ باسقا دا ارنالارى ارقىلى ازاماتتاردان ٴتۇرلى پروبلەمالاردى شەشۋ، سونداي-اق سەرۆيستەردى جەتىلدىرۋ بويىنشا كوپتەگەن ٴوتىنىش-ۇسىنىستار ٴتۇسىپ جاتىر. ەندى ىقىلاس تانىتقان ٴاربىر ازاماتتىڭ مەملەكەتتىك قىزمەت كورسەتۋ سالاسىنا قاتىستى ۇسىنىس-تالابى ارنايى جوبا اياسىندا قابىلداناتىن بولادى.

جوبانى ەنگىزۋشىلەر قازاقستاندىقتاردىڭ فرونت-وفيس جۇمىسىن جاقسارتىپ، ەلەكتروندىق سەرۆيستەردى جەتىلدىرۋ بويىنشا يننوۆاسيالىق يدەيالارىن كۇتەدى. مەملەكەتتىك قىزمەت كورسەتۋ سالاسىن دامىتىپ، كورپوراسيانىڭ جۇمىس ساپاسىن ارتتىرۋعا باعىتتالعان ۇسىنىس-تىلەكتەردىڭ بارلىعىن وسى «كراۋدسورسينگتە» قالدىرۋعا بولادى.

ۇسىنىس-تىلەكتەردى مەملەكەتتىك كورپوراسيا قىزمەتكەرلەرىنەن قۇرىلعان كوميسسيا ساراپتامادان وتكىزىپ، تاڭداۋلى ۇسىنىستار كەڭ تالقىلانىپ، جۇزەگە اسىرىلادى.

ۇسىنىس قالدىرۋ ٴۇشىن https://www.gov4c.info/ سىلتەمەسى ارقىلى ٴوتىپ، ارنايى فورمانى تولتىرۋ قاجەت. سايت قولدانۋشىلارى قالدىرىلعان ۇسىنىستاردى تالقىعا سالىپ، پىكىرلەر جازىپ، ٴتىپتى باعالاي الادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي