استانالىقتار جولاقىنى بانك كارتاسى ارقىلى تولەيتىن بولادى

استانا، baq.kz. بۇل قاراجاتتى كولەڭكەلى اينالىمنان شىعارۋعا مۇمكىندىك بەردى جانە تاسىمالداۋشىلاردىڭ تابىستىلىعىن 15 % - عا ارتتىردى.

استانا قالاسى اكىمدىگىنىڭ رەسمي سايتىنىڭ مالىمەتىنە قاراعاندا، سارالانعان تاريف ىسكە قوسىلعان ٴبىر ايدىڭ ىشىندە (21 شىلدە 2018 ج) كولىكتىك كارتانى 500 مىڭنان استام ادام قولدانعان. كۇن سايىن جولاۋشىلار اعىنى 600 مىڭنان استام. ال قولما-قول اقشامەن جولاقىسىن تولەۋ پايىزى تومەندەگەن، كۇنىنە 50 مىڭ كولەمىندە عانا قاعاز بيلەت بەرىلەدى.

جاقىن ارادا كوبرەندينگتىك كارتالاردى ىسكە قوسۋ جوسپارلانىپ وتىر. ول دەگەنىمىز بانك كارتاسىنا كولىكتىك چيپ ورناتىلادى دا جولاۋشى سول بانكتىك كارتامەن جول اقىسىن تولەي بەرەدى. پيلوتتىق جوبا اياسىندا العاشقى 3 مىڭ كارتا ەۆرازيا بانكىمەن بىرلەسىپ شىعارىلادى.

سونىمەن قاتار، جول اقىسىن تولەۋدىڭ باسقا دا تاسىلدەرى ەنگىزىلەدى، بانكتىك كارتانى اۆتوبۋستاعى ۆاليداتورعا تيگىزۋ ارقىلى جانە nfc فۋنكسياسىمەن جۇمىس ىستەيتىن سمارتفوندار ارقىلى دا تولەيدى.

تەگي
• استانا
• قوعامدىق كولىك
• بانك
• وڭاي كارتاسى

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!