استانا، baq.kz ٴتىلشىسى. 31 قازان كۇنى استانا قالاسىندا «قازاقستان رەسپۋبليكاسىنىڭ سۋىق ايماقتارى جاعدايىندا جوعارى تەحنولوگيالىق جىلىجاي قۇرىلىسى» پيلوتتىق جوباسىنىڭ سالتاناتتى اشىلۋ ٴراسىمى ٴوتتى.
استانا: 
1879 
0
استانا، baq.kz ٴتىلشىسى. 31 قازان كۇنى استانا قالاسىندا «قازاقستان رەسپۋبليكاسىنىڭ سۋىق ايماقتارى جاعدايىندا جوعارى تەحنولوگيالىق جىلىجاي قۇرىلىسى» پيلوتتىق جوباسىنىڭ سالتاناتتى اشىلۋ ٴراسىمى ٴوتتى.
بۇل جىلىجاي سۋاراتىن سۋدى قايتالاپ پايدالانۋ جۇيەسى ارقىلى باعالى رەسۋرستى 40 پايىزعا ۇنەمدەۋگە، ال ەنەرگيا ساقتايتىن ەكران جىلىتۋعا جۇمسالاتىن شىعىن مولشەرىن ازايتۋعا مۇمكىندىك بەرەدى.
ەۋروپالىق وداقتىڭ قازاقستانداعى ەلشىسى سۆەن-ورلوۆ كارللسون قازاقستاننىڭ سۋىق وڭىرىندە جوعارى تەحنولوگيالى جىلىجاي قۇرىلىسى پيلوتتىق جوباسىنىڭ اشىلۋىنا قاتىسقانى ٴۇشىن قۋانىشتى ەكەنىن جەتكىزدى.
«ەۋروپالىق وداق، بۇۇ دامۋ باعدارلاماسى، بۇۇ ەروپالىق ەكونوميكالىق كوميسسيا بىرىككەن «قازاقستاننىڭ جاسىل ەكونوميكاعا كوشۋ مودەلىن قولداۋ» جوباسى اياسىنداعى ٴتورت پيلوتتىق جوبانىڭ سوڭعىسىنىڭ اشىلۋىنا قاتىسىپ وتىرمىز بۇل پيلوتتىق جوبا جوعارى تەحنولوگيالىق شەشىمدەردى قازاقستانعا بەيىمدەپ، ەنگىزۋگە كوزدەدى. جاسىل تەحنولگيا ادامداردىڭ ٴومىر ساپاسىن جاقسارتۋعا، سونداي-اق پايدا تابۋىنا مۇمكىندىك بەرەدى. بۇل جىلىجايدا ونىمدىلىك جوعارى، جوعارى تەحنولوگيالاردى پايدالانا وتىرىپ تومەن باعادا كوكونىستەردى وسىرۋگە بولادى. ەنەرگيانى ۇنەمدەيتىن تەحنولوگيالاردى قولدانۋ ەلەكتر مەن سۋدى پايدالانۋدى ازايتۋعا، سونداي-اق جىلىجاي كەشەنىندە وپەراسيالىق شىعىنداردى تومەندەتۋگە مۇمكىندىك بەرەدى»، - دەدى ەلشى.
ايتا كەتەرلىگى، بۇل جىلىجاي گوللانديالىق تەحنولوگيا بويىنشا سالىنعان. نيدەرلاندى كورولدىگىنىڭ ەلىمىزدەگى توتەنشە جانە وكىلەتتى ەلشىسى ديرك يان كوپ نەلىكتەن گوللانديالىق ٴادىس تاڭدالعانىن ايتتى.
«بۇل جەردە بارلىق قۇرال، ٴتىپتى ٴداننىڭ ٴوزى – گوللانديالىق ٴدان. مەنىڭ ەلىمدە حالىق سانى سىزدەردىكىندەي 17-18 ملن ادام. قازاقستان جەر كولەمى جاعىنان گوللانديادان 65 ەسە ۇلكەن. گوللانديا تاماقتانۋ ونىمدەرىن ەكسپورتتاۋ بويىنشا الەمدە اقش-تان كەيىن ەكىنشى ورىندا كەلەدى. كىشكەنتاي عانا اۋماعى بار ەل الەم حالقىن تاماقتاندىرىپ وتىر دەگەنگە سەنۋ قيىن، ٴبىراق بۇل راس. بۇل تەحنولوگيا اۋىل شارۋاشىلىعىنىڭ ينتەنسيۆتىلىگى عانا ەمەس، بۇل – ينتەگراسيالىق پروسەستەر. سىرتقى ىستەر ٴمينيسترى كەشە بريفينگتە «قازاقستان ٴۇشىن سانكسيالار تەرىس اسەر ەتەدى» دەپ ايتتى، ولاي ەمەس. سانكسيالار قازاقستانعا وتە پايدالى. قازاقستان العاش رەت رەسەيگە ازىق-تۇلىك ونىمدەرىن ەكسپورتتايىن بولادى. سەبەبى ول جاقتا 800 گا كولەمىندە جىلىجاي تاپشى. ال قازاقستاندا مۇنداي كولەم بار»، - دەدى ەلشى ديرك يان كوپ.
بۇۇ دامۋ باعدارلاماسىنىڭ تۇراقتى وكىلى نوريماسا شيمومۋرا تابىستى جوبانى ىسكە قوسقان كەزدە ٴوزىنىڭ قۋانىشقا كەنەلەتىنىن ايتتى.
«ٴبىز ٴتورتىنشى اۋقىمدى جوبانى ىسكە قوستىق. بۇل جەردە قيار مەن قىزاناق قانا ەمەس، سالات جاپىراقتارىن وسەدى. استانا تۇرعىندارىنىڭ 15 پايىزىن ٴتىپتى قىستا سالاتپەن قامتاماسىز ەتە الادى. سۋ مەن ەنەرگيا جيناقتايتىن تەحنولوگيا ونىمدىلىكتى ەكى ەسە ارتتىرادى. وسى جوبا ارقىلى جاڭا جۇمىس ورىندارىن اشتىق. مۇندا ەكونوميكالىق قانا ەمەس، الەۋمەتتىك، ەكولوگيالىق ەلەمەنتتەر بار. ورنىقتى دامۋدى وسى ٴۇش ەلەمەنت قۇرايدى. جوبا ەنۋزياست ادامدارسىز تابىستى ىسكە اسپايدى. ٴبىز سەرىكتەستەرىمىزبەن تىعىز جۇمىس ىستەيمىز جانە بىرلەسكەن جۇمىسىمىز تابىسقا جەتۋگە مۇمكىندىك بەردى»، - دەپ ٴسوزىن تۇيىندەدى تۇراقتى وكىل.
«استاناەكوستاندارت» جشس جىلىجاي كەشەنىنىڭ اگرانومى اقمارال بازاربايەۆا جىلىجايدا 60 ادام جۇمىس ىستەيتىنىن، ونىڭ 40 پايىزى ايەلدەر ەكەنىن اتاپ ٴوتتى.
«جىلىجايدا سالات، قىزاناق، قيار وسەدى. جىلىجاي وتە بيىك، شىنىمەن قاپتالعان. ٴتىپتى ٴبىزدىڭ قارىمىز بەن بورانىمىزعا شىداس بەرەدى، - 45 گرادۋسقا دا شىدايدى. ويتكەنى جىلىتۋ جۇيەسى جوعارى دەڭگەيدە جاسالعان. ەندى ەلىمىز ٴۇشىن، استانامىز ٴۇشىن جۇمىس ىستەيتىن بولامىز. كومپانيامىز مۇنىمەن توقتاپ قالمايدى. ٴارى قاراي جوسپارلارىمىزدى ىسكە اسىرا بەرەمىز. قىسقى ماۋسىمدا استانانى تولىقتاي كوكونىسپەن قامتاماسىز ەتكىمىز كەلەدى»، - دەدى اگرانوم.
ەسكە سالا كەتسەك، بۇگىن استانادا «قازاقستاننىڭ جاسىل ەكونوميكاعا كوشۋ مودەلىن قولداۋ» ەۋروپالىق وداق، بۇۇ دامۋ باعدارلاماسى، بۇۇ ەروپالىق ەكونوميكالىق كوميسسيا بىرىككەن جوباسىنىڭ قورىتىندى كونفەرەنسياسى وتكەن بولاتىن. بۇل جىلىجاي پيلوتتىق جوباسى وسى شارا اياسىندا ىسكە قوسىلىپ وتىر.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
17087
0