BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

استانادا ٴۇي توبەسىنە زاڭسىز ورناتىلعان ۇيالى بايلانىس انتەننالارى الىندى

استانا، baq.kz. دەپارتامەنتتە بەلگىلى بولعانداي، 2018 جىلى ۇيالى بايلانىستىڭ تاراتۋشى قۇرىلعىلارىنان بولىنگەن ەلەكتروماگنيتتىك ساۋلەلەرگە 1557 ولشەم جۇرگىزىلگەن. ولاردىڭ بارلىعىندا دا نورمادان اۋىتقۋشىلىق انىقتالماعان. بۇل تۋرالى استانا اكىمدىگىنىڭ رەسمي سايتى حابارلادى.

«دەگەنمەن ەلەكتروماگنيتتىك ساۋلە تاراتۋدىڭ رۇقسات ەتىلگەن دەڭگەيى اسىرىلعان جانە رۇقسات قۇجاتتارىنىڭ جوقتىعى راستالعان جاعدايدا اكىمشىلىك ايىپپۇل سالۋ جانە ازاماتتاردىڭ دەنساۋلىعىنا ٴقاۋىپ ٴتوندىرۋى مۇمكىن جابدىقتى الىپ تاستاۋ بويىنشا شارالار قابىلدانادى»، – دەپ مالىمدەدى قالالىق قوعامدىق دەنساۋلىق ساقتاۋدى قورعاۋ دەپارتامەنتىندە.

كوپقاباتتى ۇيلەردىڭ شاتىرلارىنا ۇيالى بايلانىس انتەننالارىنىڭ ورناتىلۋىنا قاتىستى ەلوردا تۇرعىندارىنىڭ شاعىمدارىنا پىكىر بىلدىرگەن دەپارتامەنت باسشىسى 17 انتەننانىڭ الىنعانىن ايتتى.

«قالالىق قوعامدىق دەنساۋلىق ساقتاۋدى قورعاۋ دەپارتامەنتى kcell، altel، beeline جانە باسقا دا ۇيالى بايلانىس وپەراتورلارىنىڭ قۇرىلعىلارىنان ەلەكتروماگنيتتىك ساۋلەلەردىڭ بولىنۋىنە ۇنەمى مونيتورينگ جۇرگىزىپ كەلەدى. 2018 جىلى ەلوردا تۇرعىندارىنىڭ ۇيالى بايلانىس انتەننالارى تۋرالى وتىنىشتەرىن تەكسەرۋ ناتيجەسىندە 17 ۇيالى بايلانىس انتەنناسى الىنىپ تاستالدى»، – دەدى دەپارتامەنت باسشىسى ٴسادۋاقاس بايعابىلوۆ.

ۇيالى بايلانىس انتەننالارىنىڭ سانيتارلىق اۋماق ساقتالماي ورناتىلعان جاعدايدا، ادامداردىڭ دەنساۋلىعىنا كەرى اسەرىن تيگىزۋى مۇمكىن.

«مۇنىڭ سوڭى باس اۋرۋى، جۇرەك-قان تامىرلارى جۇيەسى اۋرۋلارىنا جانە گورمونالدى وزگەرىستەرگە دە اكەپ سوعۋى ىقتيمال. بالاباقشا، مەكتەپ جانە ينتەرنات عيماراتتارىنا انتەننالاردى ورنالاستىرۋعا تىيىم سالىنادى. ال تۇرعىن ٴۇي جانە اكىمشىلىك عيماراتتاردىڭ شاتىرلارىنا 100 ۆت-تان استام قۋاتى بار تاراتۋشى انتەننالاردى ورنالاستىرۋعا تىيىم سالىنعان»، – دەدى ٴسادۋاقاس بايعابىلوۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي