BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

استانادا تۇركولوگيا وقۋ زالى اشىلدى

فوتو: Ержан Жаубай

استانا، baq.kz ٴتىلشىسى. قر ۇلتتىق اكادەميالىق كىتاپحاناسىندا تانىمال تۇركولوگتار نەمات كەلىمبەتوۆ پەن بەيسەمباي كەنجەبايەۆقا ارنالعان تۇركولوگيا وقۋ زالىنىڭ سالتاناتتى اشىلۋى ٴوتتى.

اتالعان زال قازاقستان رەسپۋبليكاسى مادەنيەت جانە سپورت مينيسترلىگىنىڭ قولداۋىمەن قازاقستان رەسپۋبليكاسىنىڭ تۇڭعىش پرەزيدەنتى نۇرسۇلتان ٴابىش ۇلى نازاربايەۆتىڭ « ۇلى دالانىڭ جەتى قىرى» اتتى ماقالاسىندا كوتەرىلگەن «تۇركى وركەنيەتى: ٴتۇپ تامىرىنان قازىرگى زامانعا دەيىن» دەگەن جوبانى قولعا الۋ ماقساتىندا اشىلدى.

«ونىڭ ماقساتى – تۇركىتىلدەس حالىقتاردىڭ رۋحاني مۇراسىن ساقتاۋ، ناسيحاتتاۋ جانە دامىتۋ بولىپ وتىر. سونىمەن قاتار، ەلباسى ماقالالارىن جۇزەگە اسىرۋدى كوزدەيدى»، - دەدى قر مادەنيەت جانە سپورت ٴمينيسترى ارىستانبەك مۇحامەدي ۇلى.

ٴىس-شارا بارىسىندا عىلىمي-تانىمال جازۋشى، اۋدارماشى جانە تۇركىتانۋشى نەمات كەلىمبەتوۆتى زەرتتەۋگە ارنالعان «قازاقستاندا قازىرگى زامانعى تۇركولوگيانىڭ دامۋى» اتتى حالىقارالىق عىلىمي-پراكتيكالىق كونفەرەنسيا دا ۇيىمداستىرىلدى. كونفەرەنسيا قاتىسۋشىلارى تۇركىتانۋدىڭ قازىرگى جاعدايى مەن كەلەشەگىن، تۇركى حالىقتارىنىڭ مادەني جانە رۋحاني قۇندىلىقتارىن دامىتۋ جانە ناسيحاتتاۋ، تاۋەلسىزدىك تۇرعىسىنان تۇركىتانۋ تاريحىن زەرتتەۋ، ادامزات تاريحىنداعى تۇركى وركەنيەتىنىڭ ٴرولىن تالقىلادى.سونداي-اق، جيىن بارىسىندا «راريتەت» باسپاسىنان قازاق، ورىس جانە اعىلشىن تىلدەرىندە باسىلىپ شىققان دۇنيە ٴجۇزى تۇركولوگياسىنىڭ تاريحىنا ارنالعان «تۇركولوگيا. دۇنيەجۇزى تۇركولوگياسىنىڭ تاريحى» اتتى كىتاپتىڭ تانىستىرىلىمى بولدى.

تۇركولوگيا زالىنىڭ اشىلىنا قر مادەنيەت جانە سپورت ٴمينيسترى ارىستانبەك مۇحامەدي ۇلى، فيلولوگيا عىلىمدارىنىڭ دوكتورى، پروفەسسورلار م.جولداسبەكوۆ، س.قاسقاباسوۆ، جازۋشى، كينودراماتۋرگ سماعۇل ەلۋباي، فيلولوگيا عىلىمدارىنىڭ دوكتورى، پروفەسسورلار: ح. يۋ. ميننەگۋلوۆ (قازان)، ح. كاساپوگلى، (انكارا)، ن. راحمانوۆ (تاشكەنت)، ر.اسكەر (باكۋ)، ت. سادىكوۆ (بيشكەك) ، ا.م.باگيروۆ (ماسكەۋ)، بەلگىلى ورىس جازۋشىسى، جۋرناليست جانە باسپاگەر، قوعام قايراتكەرى، ورىس ادەبيەتى اكادەمياسىنىڭ اكادەميگى (ماسكەۋ) گ. ۆ. پرياحين جانە ت.ب. زيالى قاۋىم وكىلدەرى قاتىستى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي