BAQ.kz - Қазақстан жаңалықтары USD 379.86 BAQ.kz - Қазақстан жаңалықтары EUR 425.14 BAQ.kz - Қазақстан жаңалықтары RUB 5.9
استانا:

استانادا 100 وتباسى تۇرعىن ٴۇي سەرتيفيكاتىنىڭ كومەگىمەن قونىس تويىن تويلايتىن بولدى

استانا، baq.kz. ەلوردادا تۇرعىن ٴۇي سەرتيفيكاتتارىنىڭ كومەگىمەن تۇرعىن ٴۇي قۇرىلىس جيناق بانكىنىڭ العاشقى 100 سالىمشىسى قونىس تويىن اتاپ وتەتىن بولدى.

استانا قالاسىنىڭ اكىمدىگى اتالعان جوبا ٴۇشىن بيۋدجەتتەن ارنايىلاپ 100 ملن تەڭگە ٴبولىپ وتىر. بۇگىن 1 ملن تەڭگەنىڭ نومينالدى تۇرعىن ٴۇي سەرتيفيكاتتارىن 100 ادام الدى. ولاردىڭ اراسىندا دارىگەرلەر، مۇعالىمدەر، پوليسيا قىزمەتكەرلەرى بار. قاراجات تۇرعىن ٴۇي قۇرىلىس جيناق بانكى («بايتەرەك» حولدينگىنىڭ ەنشىلەس ۇيىمى) ارقىلى پاتەر ساتىپ الۋ ٴۇشىن باستاپقى جارنا رەتىندە قولدانىلادى.

"مەملەكەت باسشىسى ٴوز جولداۋىندا اكىمدىكتەرگە حالىققا ارنالعان يپوتەكا قولجەتىمدىلىگىن ارتتىرۋدى تاپسىردى. ٴبىز ەلوردالىق بيلىكپەن بىرىگىپ بۇل جۇمىستى الدىن-الا باستاپ كەتتىك جانە بۇگىن استانا تۇرعىندارىنا العاشقى تۇرعىن ٴۇي سەرتيفيكاتتارىن تاپسىرىپ وتىرمىز. بولىنگەن قاراجات ولار ٴۇشىن ۋاقتىلى كومەك بولماق، بيۋدجەت قىزمەتكەرلەرى 20% كولەمىندەگى باستاپقى جارنانى تەزدەتىپ جيناي الادى. وسىدان كەيىن تۇرعىن ٴۇي قۇرىلىس جيناق بانكى ولارعا جىلدىق مولشەرلەمەسى 7%-دان اسپايتىن نەسيە بەرەدى. زاەمنىڭ ەڭ ۇزاق مەرزىمى 25 جىلعا تەڭ، ال سوماسى 25 ملن تەڭگەدەن اسپايدى. مەملەكەت، اكىمدىكتەر، بانكتەر بىرلەسىپ، وسىنداي تارتىپپەن جۇمىس ىستەي باستاسا، 10 جىل ىشىندە قازاقستانداعى كەزەكتە تۇرعان ازاماتتار سانىن ەكى ەسە قىسقارتۋعا بولادى. ٴقازىر اتالعان كورسەتكىش 440 مىڭ ادامعا تەڭ"، - دەپ ٴوتتى تۇرعىن ٴۇي قۇرىلىس جيناق بانكى ورتالىق فيليالىنىڭ ديرەكتورى جانسۇلتان ماتايەۆ.

استانا قالاسى اكىمدىگى تۇرعىن ٴۇي سەرتيفيكاتتارىنان ۇمىتكەرلەر ٴتىزىمىن ازىرلەدى. ٴوتىنىم بەرەر ساتتە مۇعالىمدەردىڭ، دارىگەرلەردىڭ جانە پوليسيا قىزمەتكەرلەرىنىڭ، سونداي-اق ولاردىڭ وتباسى مۇشەلەرىنىڭ استانا قالاسىندا تۇراقتى تىركەۋدە تۇرۋى قاجەت بولدى. سونداي-اق ۇمىتكەرلەردەن تۇرعىن ٴۇي قۇرىلىس جيناق بانكىنىڭ سالىمشىسى اتانىپ، شوتتارىندا جيناق اقشاسىنىڭ بولۋى تالاپ ەتىلدى.

ىرىكتەلىپ الىنعان ۇمىتكەرلەر ٴتىزىمىن استانا اكىمدىگى تۇرعىن ٴۇي قۇرىلىس جيناق بانكىنە تولەم قابىلەتتىلىگىن راستاۋ ٴۇشىن جىبەردى. وسىدان كەيىن ۇمىتكەرلەردىڭ اقتىق ٴتىزىمى ازىرلەنىپ، ٴبىر اي ىشىندە قاراجات تۇرعىن ٴۇي قۇرىلىس جيناق بانكىندەگى شوتتارعا اۋدارىلادى. بۇدان سوڭ الەۋمەتتىك كومەك يەگەرىنە ٴۇي تاڭداپ، ونىڭ يەسى اتانۋعا ٴۇش اي ۋاقىت بەرىلەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي