BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

استانادا مەديسينا قىزمەتكەرلەرى ٴۇشىن ٴۇي سالىنادى

استانا، baq.kz. ەلوردالىق دارىگەرلەرگە ارنالعان باسپانا سالىنادى. بۇل تۋرالى استانا قالاسى قوعامدىق دەنساۋلىق ساقتاۋ باسقارماسىنىڭ باسشىسى قامالجان نادىروۆ انا مەن بالا ٴولىمى وقيعالارىنىڭ سانىن ازايتۋعا باعىتتالعان شارالاردى قابىلداۋ جونىندەگى قالالىق شتابتىڭ كوشپەلى وتىرىسىندا مالىمدەدى، دەپ حابارلايدى اكىمدىكتىڭ رەسمي سايتى.

20 جىلدا ەلوردادا 287 مىڭ ٴسابي دۇنيەگە كەلدى، دەپ حابارلايدى استانا اكىمدىگىنىڭ رەسمي سايتى. انا مەن بالا ٴولىمى وقيعالارىنىڭ سانىن ازايتۋ ماقساتىندا شۇعىل شارالار قولعا الىندى. ولاردىڭ اياسىندا ەلوردا اۋرۋحانالارىنداعى ورىن سانى ارتتىرىلىپ، كادر تاپشىلىعى ماسەلەسى شەشىلدى، قىزمەت ماماندارى ٴوز بىلىكتىلىگىن ارتتىردى.

«ەلوردا تۇرعىندارى سانىنىڭ ٴوسىمىن ەسەپكە الا وتىرىپ ٴبىز № 1 اۋرۋحانانىڭ بازاسىندا 250 ورىنعا ارنالعان جاڭا بوساندىرۋ بلوگى قۇرىلىسى جوباسىن جۇزەگە اسىرۋدى باستادىق. سونداي-اق، ٴبىز № 2 كوپبەيىندى اۋرۋحانادا ورىن سانىن 185-تەن 220-عا دەيىن ارتتىرۋ تۋرالى شەشىم شىعاردىق»، - دەپ مالىمدەدى استانا قالاسى قوعامدىق دەنساۋلىق ساقتاۋ باسقارماسىنىڭ باسشىسى قامالجان نادىروۆ انا مەن بالا ٴولىمى وقيعالارىنىڭ سانىن ازايتۋعا باعىتتالعان شارالاردى قابىلداۋ جونىندەگى قالالىق شتابتىڭ كوشپەلى وتىرىسىندا.

كادر تاپشىلىعى ماسەلەسىن شەشۋ ماقساتىندا قوعامدىق دەنساۋلىق ساقتاۋ باسقارماسى ەلىمىزدىڭ جەتەكشى جوو-مەن ىنتىماقتاستىق قارىم-قاتىناس ورناتقان. قاجەتتى ماماندار مەملەكەتتىك گرانت ەسەبىنەن دايىندالىپ جاتىر.

«مامانداردىڭ تاپشىلىعىنا اسەر ەتەتىن فاكتورلاردىڭ ٴبىرى – استانادا تۇرعىن ٴۇيدىڭ جوقتىعى. تەك بيىلدىڭ وزىندە تۇرعىن ٴۇي جاعدايىن جاقسارتۋ ٴۇشىن كۆاليفيكاسيالىق بوساندىرۋ قىزمەتى ماماندارىنا 11 پاتەر ٴبولىندى. الداعى ۋاقىتتا مەديسينالىق قىزمەتكەرلەر ٴۇشىن باسپانا سالىناتىن بولادى دەپ جوسپارلانۋدا. سونداي-اق، باسپانانى قولجەتىمدى ەتۋ ماقساتىندا تۇرعىن ٴۇي سەرتيفيكاتتارىن بەرۋ ماسەلەسى دە قاراستىرىلعان»، - دەدى ق. نادىروۆ.

بوساندىرۋ قىزمەتى ماماندارىنىڭ بىلىكتىلىگىن ارتتىرۋ ماقساتىندا اكۋشەر-گينەكولوگ، انەستەزيولوگ-رەانيماتولوگ سياقتى ماماندار شۇعىل بوساندىرۋ داعدىلارى مەن ٴتيىمدى پەريناتالدى تەحنولوگيالاردى مەڭگەرۋگە مۇمكىندىك بەرەتىن وقىتۋدان ەل ىشىندە دە، شەت ەلدەر دە وتەدى. تاجىريبەلى مامانداردان قۇرالعان ٴموبيلدى توپتار قۇرىلدى. ولاردىڭ قۇرامىندا بىلىكتى اكۋشەر-گينەكولوگتار، قان تامىرلارى حيرۋرگتەرى، انەستەزيولوگ-رەانيماتولوگتار بار. تامىزدا باسقارما № 1 پەريناتالدى ورتالىق پەن № 2 قالالىق اۋرۋحانانى بىرىكتىرۋ ارقىلى № 2 قالالىق كوپبەيىندى اۋرۋحانانى قۇرعان بولاتىن. بۇل ٴوز كەزەگىندە جىنىستان تىس اۋىر دەرتكە شالدىققان ايەلدەرگە ۋاقىتىلى جانە ساپالى كومەك كورسەتۋگە مۇمكىندىك بەردى. قامالجان نادىروۆتىڭ ايتۋىنا قاراعاندا، سوڭعى جىلدارى جىنىستان تىس اۋىر دەرتكە شالدىققان اياعى اۋىر ايەلدەردىڭ ميگراسياسىنا قاتىستى وقيعالار سانىنىڭ ارتقانى بايقالادى. 248 ايەلدىڭ 34% - باسقا قالالاردىڭ تۇرعىندارى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي