BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

استانادا قوعامدىق كولىك جۇرگىزۋشىلەرى تاپشى

فوتو: astana.gov.kz

استانا، baq.kz. قوعامدىق كولىك جۇرگىزۋشىلەرىنىڭ جالاقىسى ورتا ەسەپپەن 250 مىڭ تەڭگەنى قۇراسا دا، ولاردىڭ جالاقىسىنا قوسىمشا اقى قاراستىرىلعانىمەن قالادا 900-گە جۋىق قوعامدىق كولىك جۇرگىزۋشىسىنىڭ جەتىسپەۋشىلىگى سەزىلەدى. بۇل تۋرالى استانا اكىمدىگىنىڭ رەسمي سايتى حابارلايدى.

جۇرگىزۋشىلەردى ىنتالاندىرىپ وتىرۋ ٴۇشىن ولاردىڭ نەگىزگى جالاقىسىنا قوسىمشا اقى تۇرلەرى دە قاراستىرىلعان. استانا lrt» ٴجشس-نىڭ ديرەكتورى بەكمىرزا يگەنبەردينوۆتىڭ ايتۋىنا قاراعاندا، بۇل رەتتە جۇرگىزۋشىنىڭ ۆاليداسيا ارقىلى تولەم الۋ جوسپارىن اسىرا ورىنداعانى، كەڭەسشىسىز جۇمىس جاساعانى ەسەپكە الىنادى.

«سونداي-اق، ەگەر جۇرگىزۋشىنىڭ اتىنا ارىز تۇسپەسە، جكو ۇرىنباسا، بارلىق تالاپتى ورىنداپ، جۇمىسىن جاقسى اتقارسا، وندا ول ادامنىڭ ەڭبەكاقىسى جوعارى بولادى. ەڭ تومەنگى ەڭبەكاقى 200 تەڭگەنى، ەڭ جوعارعىسى 400 مىڭدى قۇرايدى»، - دەدى ب. يگەنبەردينوۆ.

سونىمەن قاتار، ول جۇمىسكەرلەردىڭ تاپشىلىعى تۋرالى ايتا كەتتى.

«قالا بويىنشا شامامەن 900 جۇرگىزۋشى جەتىسپەيدى. d ساناتى بار كەيبىر ۇمىتكەرلەر ايماقتاردان كەلەدى. قاراساڭىز، تاجىريبەسى بار، ەڭبەك كىتاپشاسىندا جۇمىس جاساعانى تۋرالى جازبا دا، ٴمور دە بار. الايدا بىلىكتىلىگىن ارتتىرۋ ورتالىعىنا كەلىپ، قاراپايىم جول ەرەجەلەرىن تاپسىرا المايدى، پسيحولوگيالىق تەست تۋرالى ايتپاي-اق قويايىن. ونداي ادامداردى ٴىرى قالادا جۇزدەگەن ادامدى تاسيتىن كولىككە قالاي وتىرعىزامىز؟!»، - دەدى «استانا lrt» باسشىسى. استانانىڭ قوعامدىق كولىك جەلىسى 85 مارشرۋتتى قامتيدى.

ولاردىڭ 60-ى – قالالىق، ٴ7-ى – ەكسپرەسس باعدارلار، ٴ18-ى – قالا ماڭىنا قاتىنايتىن باعدارلار. كۇن سايىن مارشرۋتقا 850 اۆتوبۋس شىعادى، ونىڭ ىشىندە 738 اۆتوبۋس قالالىق مارشرۋتتارعا، 47 اۆتوبۋس ەكسپرەسس-باعىتتارعا جانە 65 اۆتوبۋس قالا ماڭىنداعى مارشرۋتتارعا قىزمەت كورسەتەدى. استانانىڭ قوعامدىق كولىك جۇيەسى 8 اۆتوبۋس پاركىنە قىزمەت كورسەتەدى. ولاردىڭ ٴ1-ى – كوممۋنالدىق جانە ٴ7-ى – جەكە مەنشىك پاركتەر. قالانىڭ قوعامدىق كولىك اۆتوپاركى 1 082 اۆتوبۋستان تۇرادى. قازىرگى تاڭدا 1،5 مىڭ جۇرگىزۋشى بار.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي