BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

استانادا «قىتاي قازاقستاندىقتار كوزىمەن» اتتى فوتوكورمە اشىلدى

استانا، baq.kz. بۇگىن قازاقستانداعى قىتاي حالىق رەسپۋبليكاسى ەلشىلىگى قازاقستان رەسپۋبليكاسى ۇلتتىق مۋزەيىمەن بىرلەسىپ ۇيىمداستىرعان «قىتاي قازاقستاندىقتار كوزىمەن» اتتى فوتوكورمەسى سالتاناتتى تۇردە اشىلدى.

قىتايدا جۇرگىزىلىپ جاتقان رەفورمالار مەن اشىقتىق ساياساتىنىڭ 40 جىلدىعى جانە «ٴبىر بەلدەۋ – ٴبىر جول» باستاماسىنىڭ 5 جىلدىعىنىڭ قۇرمەتىنە، سونداي-اق قىتاي مەن قازاقستان حالىقتارى اراسىنداعى ٴوزارا تۇسىنىستىك پەن دوستىقتى ودان ٴارى نىعايتۋ ماقساتىندا قازاقستانداعى قىتاي ەلشىلىگى قازاقستان رەسپۋبليكاسى ۇلتتىق مۋزەيىمەن بىرلەسىپ «تاڭعاجايىپ قىتاي» فوتوكورمەلەر توپتاماسىن وتكىزىپ كەلەدى. بۇل شارا – اتالعان توپتامانىڭ بەسىنشى ٴبولىمى.

قازاقستانداعى قحر توتەنشە جانە وكىلەتتى ەلشىسى چجان ساونىڭ ايتۋىنشا، ۇسىنىلعان سۋرەتتەردەن قىتاي حالقىنىڭ كۇندەلىكتى تۇرمىس-تىرشىلىگىن، ٴومىر سالتىن، دۇستۇرلەرىن تانىپ، ونداعى ٴتۇرلى قالالاردىڭ اسەم كورىنىستەرىن تاماشالاۋعا مۇمكىندىك بار.

«بۇل شارا قىتايدىڭ رەفورما جانە اشىقتىق ساياساتىنا 40 تولۋىنا وراي ۇيىمداستىرىلىپ وتىر. بۇگىنگى كورمە ەكى حالىق اراسىنداعى دوستىق پەن ىنتىماقتاستىقتىڭ جارقىن كورىنىسى دەۋگە بولادى. شارانىڭ باستى ماقساتى – قازاقستاندىقتاردى قىتايدىڭ تاريحىمەن، مادەنيەتىمەن، سونداي-اق زاماناۋي ومىرىمەن تانىستىرۋ. فوتولاردىڭ اۆتورلارى قاراپايىم قازاقستاندىقتار، ولار قازاقستاننىڭ تۇكپىر-تۇكپىرىنەن جينالعان ٴار ٴتۇرلى جاستاعى، ٴتۇرلى سالاداعى ماماندار. بۇل جۇمىستار ارنايى قۇرىلعان قازىلار القاسى ارقىلى تاڭدالىپ الىندى. ٴبىر ايتا كەتەرلىگى فوتولار ٴتۇرلى جانردا تۇسىرىلگەن، زاماناۋي قىتاي، كونە قىتاي وركەنيەتى دە كورسەتىلگەن. سوندىقتان بۇل كارتينالار قازاقستاندىقتاردىڭ كوڭىلىنەن شىعادى دەپ ويلايمىن. قر ۇلتتىق مۋزەيىنە وسى كورمەنى ۇيىمداستىرۋعا مۇمكىندىك تۋعىزعانى ٴۇشىن العىس ايتامىز. سونداي-اق، بۇگىنگى كورمە قازاقستان مەن قىتاي اراسىنداعى تۋريزم سالاسىن دامىتۋعا جاڭا جول اشۋىنا سەپتىگىن تيگىزەدى دەپ سەنەمىن»، - دەدى ەلشى.

كورمەگە ۇسىنىلعان بارلىق فوتوسۋرەتتەر قازاقستان اۋماعىنان جينالدى.

«كورمەگە وتە كوپ سۋرەت قويىلعان. مەن دە وسىنداي اۋقىمدا شاراعا ٴوز جۇمىسىمدى ۇسىنۋعا مۇمكىندىك الدىم. كورمەدەگى بارلىق كارتينالار وتە ەرەكشە تۇسىرىلگەن. بۇل فوتولاردا قىتايدىڭ ٴار قىرلى ٴومىرى كورسەتىلگەن. مەنىڭ جۇمىستارىمنىڭ ٴبىرى – گونكونگتىڭ ورتالىق كوشەلەرىنىڭ بىرىندەگى كەشكى ٴومىر»، - دەيدى فوتوكورمەگە قويىلعان جۇمىستار اۆتورىنىڭ ٴبىرى جاكەن تايماعامبەتوۆ.

بايقاۋعا 100-دەن استام ادام قاتىسىپ، 700-دەن ارتىق جۇمىس ۇسىنىلىپ وتىر. سولاردىڭ اراسىنان ەڭ ۇزدىك 100 فوتوسۋرەت تاڭدالىپ، اتالعان كورمەگە قويىلدى.

كورمە ٴبىر ايعا جالعاسادى. سىزدەر وسى سۋرەتتەر ارقىلى قازاقستاندىقتاردىڭ كوزىمەن تاڭعاجايىپ قىتايدىڭ اسەم كورىنىستەرىن تاماشالاي الاسىزدار.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي